Zôo 4:6 - Yálá laawoo hɛɓɛ (dc)

⁶ Akɛti, ə́ wɔ ɲɔw Yálá ɓa laa dɔ̨nɔ̨ ə kɛ lɔ ma, ɓɛlɔwai ə́ kɛ la ə́ nɛɛ hu? Yɛ bələi ə́ túwɔ́ pələ ə kɛ la a kɔ́ɔn mąą lɛlɛɛi, yili hva pɛli kɛ ə́ kili tooi ə́ yəi ɓaa?

Yálá laawoo hɛɓɛ

⁶ Akɛti, ə́ wɔ ɲɔw Yálá ɓa laa dɔ̨nɔ̨ ə kɛ lɔ ma, ɓɛlɔwai ə́ kɛ la ə́ nɛɛ hu? Yɛ bələi ə́ túwɔ́ pələ ə kɛ la a kɔ́ɔn mąą lɛlɛɛi, yili hva pɛli kɛ ə́ kili tooi ə́ yəi ɓaa?

Bible

⁶ Í yao Ɣâla mai a gɛ́ kili-tɔɔ ma kɛ́ ƃò íyêei. Mɛni ma fɛ̂ɛ í íkili tɔ́ɔ Ɣâla ma kili-kɛ-zu kɛ́ ƃò íyêei.

Zôo 4:6 Kruisverwysings

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Zôo 16:17

Ya pa yaan, və́ ta mɛ̨nį nwąnąą laa li nu ta ɓa, nwɔ́ Yálá hvɛli woo kəlee haŋąą.

Zôo 17:15

Nwɔ́ kilitɔɔmąą laa ə li mį? Gbɛɛ ɓə gílitɔɔi kaai?

Mąątɛ̨nɛ̨ 26:1

Davidə nwɔ wələ woo. Yai-Laa, mą́ą́ tɛ̨ą ɓo, mąąhɔlɔɓo, gáá hiɛi a kwəi kwələlaa, ɛlɛɛ, yii kpɔ gílitɔɔ Yai-Laa ɓa, vá tɔɔ takpa takpa.

Mąątɛ̨nɛ̨ 27:3

Ə mą kpɛli kɛ kɔlaɠa pɛlɛ tɔwɔ, níí hva kulɔ mą́ą́! Ə mą kɛ daa kɔ́ yili mąą, gílitɔɔi kaa mą.

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Hanwon 3:26

Mąąhɔlɔɓo, Yai-Laa ɓə a kɛ a ə́ tɔɔ bulu. Hɛlɛn nuą da dɛ ə́ tɔwɔ, a gəlee pola.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,