Zôo 23:12 - Yálá laawoo hɛɓɛ (dc)

¹² Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Yálá laawoo hɛɓɛ

¹² Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Bible

¹² M̀ɛnii nyii kélee è mò ḿâ a gɛɛ ŋá gɛ́i, ŋá gélee kɛ̀ a teniŋ ƃô-pere.

Zôo 23:12 Kruisverwysings

Zôo 15:11

Ə́ tɛɠɛ ɓoɔ mɔ̨ɔ̨ Yálá nwɔ nu liilaa mɛ̨nį hu? A nwooɠaai kələi gaa moi yɛ́i?

Zôo 22:22

Ə́ wəli tɔɔ niɛwooi kulɔi na ma, ə́ nwɔ kili wooɠaai lɛɛ ə́ kili pɔ.

Zôo 23:13

Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.

Zôo 33:9

«Hɔn və mą́ą́, nɛ̨ŋɛ̨n və mą́ą́, nwɔ́ mɛ̨nį haŋąąi, hɔn və mą́ą́.

Zôo 6:10

A kɛ ti, ŋį́ pɛli kɛ liilaa hɔlɔɓoi, ŋį́ kwəinɛ̨ɛ̨ hɔlɔɓo mɔ̨nɔ̨ kɛnɛ̨ɛ ti hu. Və́ pai lənəi Yálá mąą həɠɛɛ nwɔ tɔ́n ɓa.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

Mąątɛ̨nɛ̨ 33:11

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.

Hanwon 30:8

Gɛ́ ə́ lɛɛ mɛ̨nį mąą kwɛa mą́ą́, da ɓowo mɛ̨nį. 'Hvó gɛ́ a yeehvowolomun, 'Hvó nwɔ̨nɔ̨ gɛ́ hɛn gɔw kɛnɛ̨ nąmu kɛnɛ̨; yii bɛliɛ mą́ą́kpaan ma, dɛɛ bɔ́.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 12:46

Nwɔ mɛ̨nį nąmu a pa a hvolói gili hvo mą, a lɔwai yii hvo gɔlɔn. Nąmu a ɉon, a naa nɔ̨nwɔ̨ ɓo, ə baa. Da mɛ̨nį ɲɔ̨n gɛ nuą di hvɛla a kɛ tɔ̨nɔ̨.

Ɉaan 4:32

Kɛlaa, ə di woo pulu pənə yɛ mą: «Kɔ̨nɔ̨n yii mąąnɛ̨ɛ̨ ŋą mį́į́ ka hvo gɔlɔn.»

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.