Zôo 16:4 - Yálá laawoo hɛɓɛ (dc)

⁴ Ee! Ɲą́ą́ gbɛli, gáá pai nwóó ɲąąlɛi, yɛ bələi lɔ ka káá gɛi la. Mɛ̨nįi ŋɛ̨i naa mą́ą́, akɛ kɛ kaa li, ɲą́ą́ gbɛli, ŋį́ pɛli kɛ ŋį́ woo hukulɔ mąąhəɠɛɛ kɛ kaa, gɛ́ nwún mu pili ka mɛ̨i.

Yálá laawoo hɛɓɛ

⁴ Ee! Ɲą́ą́ gbɛli, gáá pai nwóó ɲąąlɛi, yɛ bələi lɔ ka káá gɛi la. Mɛ̨nįi ŋɛ̨i naa mą́ą́, akɛ kɛ kaa li, ɲą́ą́ gbɛli, ŋį́ pɛli kɛ ŋį́ woo hukulɔ mąąhəɠɛɛ kɛ kaa, gɛ́ nwún mu pili ka mɛ̨i.

Bible

⁴ Eêi kɛ̀ íkɛ ƃò tɔ̂ɔi ńdɔɔi, ńyãa máŋ ŋâi pɔ̂ri ŋ̀óo sîi tɔnɔi ŋí ƃôi yâ. Ŋ́gɛ ŋuŋ kpɛ̂mɛŋ a ɣɛlɛ-maa pere a yá.

Zôo 16:4 Kruisverwysings

Tɔɔɓɛlaa veelɛ 19:21

Nwooi Yai-Laa ə mo yɛ hvilɛn na mą, ya ka: «Siɔn nɛ̨ɛ̨gbɛla kaa yɛlɛ kulɔi ə́ hu, yɛ ə́ hviiɓo Ɉerusalɛmə nɛ̨ɛ̨gbɛla ɲɛ̨i heɛi ə́ kpowola, yɛ nwun gbɛŋɛn.

Zôo 11:2

Pələ ɓo pələ a kɛ ŋɛ̨i tamą, di hva mɔ̨ɔ̨ pɛli bulu pənəi? Təą a pɛli tɛɛi nu pɔ naaləi mɛ̨nį ɓa?

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

Zôo 35:16

Mąąhɔlɔɓo, hvaa kpɛli kpɛli lɔ ɓə Ɉobə ə kɛi mo, yɛ ɓowo wooɠaa tiɛ̨ lɔ gee mɛ̨i.

Zôo 6:14

Nui naanɔ̨nwɔ̨ ɓoɔ, mąąnɛ̨ɛ̨ mɛlan ə ɲɛ̨imąąwɛli kaa: a wala kɛ ti, Huwalawala Kəlee Nąmu nwɔ ɲɔw mąą laa hva kɛ ɉu.

Mąątɛ̨nɛ̨ 109:25

Di ɲɛ̨i ɓa, gáá a hɛn mąąnɛ̨ɛ̨ di bili, da gáá, diɛ di nwun gbɛŋɛ̨n.

Mąątɛ̨nɛ̨ 22:7

Kɛlaa nwɛ́i, kpə́ə́liɲɛ̨nɛ̨ɛ̨n ɓaa a ɲą́ą́, nu hvaa a ɲą́ą́, nuą diɛ di laa pu ɉú, nu kəlee diɛ vííɓo.

Mąątɛ̨nɛ̨ 22:8

Nui lɔpee a gáá, a naakpan ɲąli a ɲą́ą́, diɛ vííɓo, diɛ yɛlɛ, diɛ di nwun gbɛŋɛ̨n, diɛ kɛ mą:

Mąątɛ̨nɛ̨ 44:14

Yáá ku kɛ a ku kwɛlɛ nuą di wɔ lalan ɉɛn, nuąi ku kaa di lɔwai, diɛ ku lalan, diɛ yɛlɛ kuɔ.

Hanwon 10:19

Nui a hvaa tamąą, nwɔ nɛ̨ŋɛ̨n ɉəɠə laa hvo wala li. Kɛlaa, nui a nɛn ɉon, mąą nu ɲąąlaai.

Ikilisiati 10:14

A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą?

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 48:27

Kɛlɛi ə́ kɛi lɔ yɛlɛ tii Israɛlə ɓa, gaa ɓə mɔ̨ɔ̨ ə́ mo nwuɔ̨ nuą lɔwai, yaai naa ɓo pələ tɛi tɛi kəlee hvo kɛli yá ə́ nwun gbɛŋɛn?

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Korɛntə dɔlɔɔ 12:26

Nu tɔɔ-tɔɔi ta a kɛli nwąną, mɛlaa kəlee da ɉu mɔ̨nɔ̨ mįi, dɔ̨nɔ̨ a kwəinɛ̨ɛ̨ hɔlɔɓo, nąą kəlee a kɛ gwəinɛ̨ɛ̨ hu.