Zôo 12:22 - Yálá laawoo hɛɓɛ (dc)

²² Yɛ ɲąmuątaa nwɔ kpinįi kulɔ ɲəi, yii nooɔ kɛ, yɛ gulɔ pɔ̨nɔ̨ŋa.

Yálá laawoo hɛɓɛ

²² Yɛ ɲąmuątaa nwɔ kpinįi kulɔ ɲəi, yii nooɔ kɛ, yɛ gulɔ pɔ̨nɔ̨ŋa.

Bible

²² A gɛ̀ gbínii é kúla saa-taa, é kwaa ponoɔɔ pîlaŋ gbíni maa-pɔlɔ-pɔlɔɔi su.

Zôo 12:22 Kruisverwysings

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Zôo 11:6

A pɛli kɛ mɛ̨nį kɔ́lɔn mun gwəi kili lɛi yɛ́; yii gbaɠala kaa laa walaai a nu kili. Nąąlɔwai, yá gbaɠala kaa, yɛ́ diɛ Yálá a kɛ lɛ̨ąi ə́ hɔn daɠaa diɛ.

Zôo 24:17

Di wɛi, yələ a kɛi ɓɔ, gaa yɛ haa a kɛi too, too mɛ̨i kɛ mun niiɓa ɓaa kpinį pɛlɛɛ.

Zôo 3:5

Tɛɛhilɛ kpinį ə volói ti mɛ̨i kpulu, Tulɔ kpiliɠilin ə volói ti ɲɛ̨i paa. Volói ti hu ə tɛɠi yɛ ɲąąlee a ɲąnin ɉon.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Mąątɛ̨nɛ̨ 139:11

Ŋą́ kɛ diɛ: «Tɛ́ɛ́hilɛ-kpinį ə mɛ̨́i kpulu, gwɛ́lɛ kɛɛpono mąą ə pənə a kpinį!»

Mąątɛ̨nɛ̨ 139:12

Ə mą kpɛli kɛ ti, dɛ́ɛ́hilɛ-kpinįi tii, hva lɛɛ gwɛ́lɛ a kpinį, ɛlɛɛ, gbinįi tii mąą a pənə a yələɓoɔ kɛɛpono, tɛ́ɛ́hilɛ-kpinį a kɛ yɛ yələɓoɔ!

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Maafîu 10:26

«Ka hvo ɲɔw nui lɔpee ta ɓa. Mɛ̨nį yiiɠaai mɛ̨i kpulɔɔ, mɛ̨i kaa pai həɠəi, nu kəlee di gɔlɔn.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Korɛntə dɔlɔɔ 2:10

Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.