Zôo 1:10 - Yálá laawoo hɛɓɛ (dc)

¹⁰ Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Yálá laawoo hɛɓɛ

¹⁰ Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Bible

¹⁰ Ya Zôo da ŋɔnûai dí gɔ̃liŋ kélee mɛi kâai. Ya lûwa láa m̀ɛnii kélee ma nyii a gɛ̂i. Ya gɛ́ ŋɔtaa-tulɛ-ŋai da poo da ǹɔii láa fɛ́ɛ.

Zôo 1:10 Kruisverwysings

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Zɛnɛse 39:5

Ə həɠə kɛa nąąlɔwai ɓa, Ɉosɛfə mąą mɛ̨nį ɓa, Yai-Laa ə Potifarə yəi bɛlɛ́n da ɲəi ɲɛa hɛnŋąą kəlee ŋąą nɛ̨ɛ̨.

Zɛnɛse 49:25

Ə́ nąn nwɔ Yálá, Ə tɔɔ ə́ pulu, Huwalawala Kəlee Nąmu Yálá Ə lúwɔ́ too yɛ́, lúwɔ́ ə həɠə yələi ə yɛɛ ə́ mɛ̨i, lúwɔ́ ə həɠə lɔi kponɉu ə həli yɛ́, ə́ huwuhu nɛ̨ąą kwəi ə nwun ə́ wɔ taatɛlɛɛɠaai di di kaa.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Zôo 29:2

Gbɛɛ ɓə a pɛli pənəi ə gɛ́ yɛ bələi ŋį́ kɛ la tɔlɔɔ? A ɲələɠaa tii Yálá ə kɛi mɛ̨́i kaa la.

Zôo 29:6

Ɓɛlɔwai ŋį́ kɛi gɔ́wɔ́ ɓa waa la a wulɔ, ɛlɛɛ, wulɔ kpoloon yɛ laa ɲə́i gɔwɔla.

Zôo 31:25

Akɛ nwɔ́ kwəinɛ̨ɛ̨ lɔ ɓaa kɛ a ɲə́i hɛn gɔw, a ɉɛnŋąąi ɲéé ə gwɛli,

Zôo 42:12

Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Mąątɛ̨nɛ̨ 5:12

Nuąi kpɔ ya di lɔ ə́ nįnįn mui, 'di kɛ kwəinɛ̨ɛ̨ hu, a yələ kəlee kwəinɛ̨ɛ̨. Nuąi ə́ laa wɛli kaa diɛi, yá di mąąkpɛ, di kaa pai kɛi tómąi a kwəinɛ̨ɛ̨.

Mąątɛ̨nɛ̨ 71:21

Ə́ kaa nwɔ̨nɔ̨ pai nwɔ́ mąąɲįnɛ̨n ta pɛlɛi mą, yɛ́ nwɔ̨nɔ̨ pənə yɛ́ níilaa.

Mąątɛ̨nɛ̨ 80:12

Nwonwoɠaa di kɛi kpɔ li diɛ həli gboloyá ɓa, gbaɠa pɛlɛɛɠaa diɛ həli ɲálee kɛnɛ̨ɛ̨ ɓa.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Azaya 5:2

ə nɔi ɓuwɔ, ə gwɛniɠaa kulɔ ɉu, ə niiɓa hihɛn ɉi laa, ə koloon dɔɔ díi hɛ̨ąi, ə viɲə ya kulɔi pɛli laa, ɲɛ̨i ə ɓo kɛa viɲə ɓá lɛlɛɛ tɔwɔ, kɛlaa ə ɓá a ɲɔ̨nwɔ̨ɔ̨.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Zakari 2:5

Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Dutɛrɔnome 33:11

Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Samuɛlə dɔlɔɔ 25:16

Diɛ ɓə kɛi ku mąąkpɛ, hvóló da kpįnį, ɓɛlɔwai kwa diɛni ku kɛ la ku kee pɔ, ku ɲɛ̨i ə ɓo daatɛlɛɛɠaa diɛ.