Zĩi 4:10 - Yálá laawoo hɛɓɛ (dc)

¹⁰ 'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Yálá laawoo hɛɓɛ

¹⁰ 'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Bible

¹⁰ Ka kákpîŋ maa yéŋ Kúnuu-namui ŋɛ́i-tuɛ, gɛ̀ ní a pâi kámaa tɛ̂i.

Zĩi 4:10 Kruisverwysings

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Zôo 5:11

Nuąi daa di mąąyɛɛ, a di mąątɛ; ə gɛ mąąwɛli nuą nwun mąą yɛ pɛli ɓoi.

Mąątɛ̨nɛ̨ 113:7

A mąąwɛlimun gulɔ mąąwɛlilaa hu muluun hu, Yɛ yeehvolomun gulɔ túlún ŋą.

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 27:6

Yiihu kɛa, ɲɛ̨́i aa tɛɠɛɓo ɲówóɠaa hu, diɛi tii daa mą́ą́tinɛ̨n daa doo gee hui, ŋą́ pɛli ɉɛɠɛɛɓo halááɠaa kulɔi ɲəi bɛlɛ́n; gɛ́ Yai-Laa mąąwiɛ wələ too.

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 30:1

Nwələi di doo a ɲələi di kɛi lúwɔ too la Davidə nwɔ pɛlɛ́ ɓa.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Izikiɛ 21:26

Babilonə tɔɔmun gaa tɔɔni bələ tąŋąną; bələ hveelɛi ti kee kaai, yɛ tɔlu kpɛ. Gaa dɔ́nwąɠaa hutɔɔi, yɛ ɉaliɠaa mąąni kɛ, yɛ huwɔ yɛlɛɠaa hu kaa.

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Piɛrə dɔlɔɔ 5:6

'Ká ká kpɔwɔ mąą yɛɛ Yálá nwɔ huwalawalalaa yee mu; ə gɛ, ə ka tɛ tɔwɔ ɲələ a ɉəli.

Samuɛlə dɔlɔɔ 2:7

Yai-Laa ɓə a nu kɛ a yeehowolo mun, yɛ nu kɛ a hɛn gɔw nąmu. A nu nwun mąą yɛɛ, yɛ nwɔ̨nɔ̨ nu nwun muhəɠə.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.