Zɛnɛse 42:6 - Yálá laawoo hɛɓɛ (dc)

⁶ Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Yálá laawoo hɛɓɛ

⁶ Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Bible

⁶ Zosɛ è kɛ̀ a núu kɛ́tɛ Ize lɔii mɛi. Ǹyaa ƃé kɛ̀ mii-sɛŋ kɔlɛ̂i ǹɔii su-ƃelai kélee dîa. Nya ƃe Zosɛ ǹîa-ni dí pà dí pɛ́lɛ gɔ́ mu, dí díŋuŋ pîlaŋ ǹɔii ma.

Zɛnɛse 42:6 Kruisverwysings

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Zɛnɛse 45:26

di di woo hukulɔ mą, diɛ mą: «Ɉosɛfə kaa ni yɛnɛ̨ɛ̨, ya ɓə hɔlɔmun gaa Eziptə lɔi hu a nu kɛ̨nɛ̨.» Yili hvo Ɉakɔbə lii kulɔ mą, mąąhɔlɔɓo, hvo kɛ laa li di la.

Zɛnɛse 45:8

Kaa hvəi dɛ́ɛ́ ɓɛ nɔi, Yálá ɓə dɛ́ɛ́ ɓɛ. Ya ɓə ɲąąwooɓo laa tɛɛ bɔ, ə gɛ́ a tɔɔmun, ə ɉee dɔɔkwəlii da Eziptə lɔi kəlee nwun na.

Zɛnɛse 44:14

Ɉuda da mɛlaani di pənə di pa Ɉosɛfə pɔ, yili heɛnii ɲəi bɛlɛ́n, di kəlee di pɛlɛ nɔi ɓa gɔwɔ mu.

Zɛnɛse 19:1

Yələwulii pɔ lɔwai, Lɔtə ə kɛ heeni Sodomə taa ɉįi la, malaka hveelɛi tii diɛ pa.

Zɛnɛse 18:2

Ə lɛɛ lɔ hee ni, ə hinąą haaɓa kaa, di mąą hvo kɛ kwɛa li mą, diɛ pa bɔ. Ə muhəɠə, yɛ li di laakwiɛn ɉii, ə mąą yɛɛ di kɔ́wɔ mu.

Zɛnɛse 33:3

Yaa kpinį ə hvilɛn nuą kəlee ɲɛ̨i tɔwɔ. Ɓɛlɔwai ə kɛi pa həlii la niɛ ɓa, ə pɛlɛ nɔi ɓa gee mɛ̨i mɛ̨ihveelɛ, ə lɛɛ ɉu yɛ həli niɛ ɓa.

Zɛnɛse 41:43

Dɔɔ kwəlii wotoloi kɛ a dɔɔ kwɛlɛ mun nwɛi, di Ɉosɛfə hee ɉu, nuą hvilɛn ŋąą dɔwɔ diɛ kɛ mą: «Nu kəlee ə kwɛli hvilɛn! Ɉosɛfə ɓa.» Bələ ɓə di Ɉosɛfə hee la Eziptə lɔi nwun na.

Zɛnɛse 48:12

Ɉosɛfə ə nonnii həɠə nąn gɔwɔ mɛ̨i, ə kwɛli hvilɛn nąn ma.

Samuɛlə dɔlɔɔ 20:41

Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Hanwon 11:26

Nui a ɲee kąnąn kɔ̨nɔ̨n ma, nuą da nɛ̨ŋɛ̨n naa, Kɛlaa, nui a ɉee lɔwɔkpalan ɲą, nuą diɛ ɲá, ya ɓə da lúwɔ́ too mą.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Zɛnɛse 41:54

Gwɛlan mɛ̨ihveelɛ pului ə gɔwɔ tɔɔ, yɛ pələi ta Ɉosɛfə ə mo la. Bului tii ə too lɔi kɔ́lɔ kəlee. Kɛlaa, kɔ̨nɔ̨n ə kɛ lɔ Eziptə lɔi hu.

Zɛnɛse 41:57

Nuą di kɛi həɠə lɔi takpɛliɠaa hu, diɛ pa diɛ kɔ̨nɔ̨n ɲa Ɉosɛfə yəi Eziptə lɔi hu, mąąhɔlɔɓo, bului tii ə kpɔlu lɔi mɛ̨i kɔ́lɔ kəlee.