Zasua 13:1 - Yálá laawoo hɛɓɛ (dc)

¹ Ɉosue pɔlɔɔ kɛa kɛ, kpɔ yɛɠɛ-yɛɠɛ, Yai-Laa yɛ mą: «Yɛ́ ka yaa pɔlɔ kɛa, ya pa, nɔi kpəli yii ka hvo nii ɉon ni gɛnɛ̨i nii.

Yálá laawoo hɛɓɛ

¹ Ɉosue pɔlɔɔ kɛa kɛ, kpɔ yɛɠɛ-yɛɠɛ, Yai-Laa yɛ mą: «Yɛ́ ka yaa pɔlɔ kɛa, ya pa, nɔi kpəli yii ka hvo nii ɉon ni gɛnɛ̨i nii.

Bible

¹ Zasua è nâa kɛ̀ a bɔlɔɔ a ŋ̀ánaa. Nya ƃe Yâwɛɛ è mò mà ǹyɛɛi, “Yaâ nâa pɔlɔ a ŋ̀ánaa kɛ́lɛ lɔii támaa káa niî naa ziɣe mɛ̂ni ma.

Zasua 13:1 Kruisverwysings

Zasua 14:10

Ya ka tii yiihu, Yai-Laa a yɛnɛ̨ɛ̨ kpɛɛ hvo mą tɛɛ bɔ́, yɛ bələi ə mo la ə həɠə ɲələi Yai-Laa ə nwooi tii ɓo la Moisə ɓa, ɓɛlɔwai Israɛlə ə kɛ la hiɛ hu, nɔi pun ɉu. Gwɛlan bow nąąn gɔw lɔɔli ka, gáá kwɛlan aa həli pow mɛ̨ihaaɓa gɔw lɔɔli hu, yiihui ŋɛ̨i kɛa.

Dutɛrɔnome 31:3

«Yai-Laa ka wɔ Yálái yaa kpinįi ɓə pai tɔɔi ka ɲɛ̨i tɔwɔ, yaa kpinį ə nu huwuɠaa tii kpɛ ka ɲɛ̨itɔwɔ ɲa pulu ɓɛli pələ, yɛ nɔi kulɔ di yəi yɛ dɛɛ ka pɔ. Ɉosue ɓə pai tɔɔi ka ɲɛ̨i tɔwɔ, yɛ bələi Yai-Laa ə mo la kaa.

Zasua 24:29

Mɛ̨nįɠaa tii tɛɛ pulu, Ɉosue Yálá nwɔ tímun, yai kɛ a Nun lon ɉulɔnu, ə haa; gaa kwɛlan ə kɛ a: kwɛlan nwundɔ̨nɔ̨ kwɛlan bow.

Lukə 1:7

Kɛlaa, lon və kɛ diɛ. Mąąhɔlɔɓo, Elisabɛtə ə kɛ a kpomąnɛ̨ą, ə lɛɛ di nu hveelɛi di pɔlɔɔ kɛa kɛ.

Zɛnɛse 18:11

Nąąlɔwai, Abrahamə da Sara di pɔlɔɔi kɛa kɛ, lon ɉɔlɔɓoi hvo kɛ kɛa Sara ma.

Tɔɔɓɛlaa dɔlɔɔ 1:1

Tɔɔmun Davidə pɔlɔɔi kpɔ kɛa kɛ a mɔlɔɔ; di mą kpɛli kɛ yíihəɠə tamąą pɛlɛ mɛ̨i, yili hvo kɛi kwɛlɛ kpɛ mą.

Zasua 13:2

Nɔiɠaai daa lɛɛ diɛ ka: Filisti lɔi kəlee, da Gesurə nuą di wɛi.

Lonon mo 34:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Ka pa lɔi Kanaan lɔi hu, nɔi pai lɛɛi ka yəi a ka wɔɔ, ya ka; bələi Kanaan lɔi tii ɲɛn gaa pai kɛi la bələ ka:

Lonon mo 34:12

yɛ kɛa yɛɛ Ɉurdɛn ɓa, yɛ kpəla gboloyá kponą ɓa. Ka wɔ lɔi ɲɛnŋąą ka tii.»

Zasua 18:3

Ɉosue yɛ Israɛlə lonnii diɛ: «Ka káá pai lɛɛi heeni hvo kɛ li mįnɛ̨ lɔwai, nɔi ŋɛ̨i Yai-Laa ka nąnni di wɔ Yálái ə dɛɛ ka pɔ, kaa gbəli nąą həɠə mɛ̨nį viikpɛɛ kulɔ?

Zasua 20:1

Yai-Laa yɛ Ɉosue ɓa: