Woolaa 5:2 - Yálá laawoo hɛɓɛ (dc)

² Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Yálá laawoo hɛɓɛ

² Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Bible

² Ŋɔ̃́ya-ŋa da kúkɔ̃liŋ kélee síɣe a dí pɔ́ɔ, lɔii da kpɛ́ni su-ƃela da see kúkɛ̂i.

Woolaa 5:2 Kruisverwysings

Mąątɛ̨nɛ̨ 109:11

Nui kwələ tɔɔ mą, mąą nu ə ɲəi hɛnŋąą kəlee kulɔ ɲəi, nwɛ̨ąą di too ɉɔlɔɓo hɛn ɉu.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 5:17

Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,

Azaya 63:18

Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Ɉeremi 17:4

Ə́ kaa pai gwələ kəlee kulɔi yɛ tɔ̨nɔ̨, ə́ mąą kwɛaa nɔi ŋį́ dɛɛ ə́ pɔ mą. Gáá pai ə́ lɛɛi ə́ yówóɠaa yee mu, nɔi hvo gɔlɔn ɉu. Mąąhɔlɔɓo, kaa nwɔ́ liiholi nwun, hvo kɛa pai kpɛlai mą.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Izikiɛ 7:21

Gáá pai dɛɛi nwɛ̨ąą pɔ, diɛ too ɉu. Nɔi hu nu kpoloonŋaa pɔ a kɔ́ hon, diɛ ɉu kala.

Izikiɛ 7:24

Lɔiɠaai di ɲɔ̨nwɔ̨ɔ̨ di ɓɛlaa diɛ, diɛ ɓə gáá pai a diɛ, diɛ di wɔ pɛlɛ́ɠaai həɠə. Gáá pai yeewalawala nuą di wɔ kpɔwɔ ŋąą kɛnɛ̨ mąąyɛɛi, gɛɛnąąɠai di kɛi di mąąhəɠə laa, da nąą laa pu.

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.