Woolaa 5:19 - Yálá laawoo hɛɓɛ (dc)

¹⁹ Kɛlaa, ə́ wɛi, Yai-Laa! Ə́ kaa laa a yələ kəlee; ə́ wɔ tɔɔkpəlin gaa a kwɛlan gəlee mɛ̨ni.

Yálá laawoo hɛɓɛ

¹⁹ Kɛlaa, ə́ wɛi, Yai-Laa! Ə́ kaa laa a yələ kəlee; ə́ wɔ tɔɔkpəlin gaa a kwɛlan gəlee mɛ̨ni.

Bible

¹⁹ Yá, óo Yâwɛɛ, íkaa a kâloŋ wɔ́lɔ-wɔlɔ da wɔlɔ-wɔlɔ. Ya pâi kɛ̂i nɔ́ la, í maa fa wɔ́lɔ fàleŋ.

Woolaa 5:19 Kruisverwysings

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Mąątɛ̨nɛ̨ 102:12

Nwɔ́ hvólóɠaa kaa lii yɛ nįnįn, ŋį́ ɓo yɛ kala tiliin, gɛ́ kpala.

Mąątɛ̨nɛ̨ 145:13

Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Mąątɛ̨nɛ̨ 146:10

Yai-Laa kaa yələ kəlee a Heeɓomun, Siɔn! Ə́ wɔ Yálá li a kwɛlan ba pələ tɛi tɛi! 'Kánikookwəi!

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.

Mąątɛ̨nɛ̨ 9:7

Yowolaa kulɔmun ɉu aa kala, aa too a yələ kəlee mɛ̨nį. Ə́ taaɠaa wolo, di laa kili aa kpɛ nuą ɲą.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Mąątɛ̨nɛ̨ 93:2

Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Ɉaan 1:38

Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.