Woolaa 4:2 - Yálá laawoo hɛɓɛ (dc)

² Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Yálá laawoo hɛɓɛ

² Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Bible

² Zãiyɔŋ ǹyaŋka-ŋai mɛni è kɛ̀ a gbanaŋɔɔ kûa yɛ̂ɛ gôo. Kɛ́lɛ dímaa mɛni a kɛ́ nɔ́ yɛ̂ɛ pɔ̂rɔ leɣi-ŋa.

Woolaa 4:2 Kruisverwysings

Azaya 30:14

Ɉu yɛ ɓuwo kpɔlɔ yɛ bələi ləɠi tɔɔmun nwɔ ləɠi a ɓuwɔ la, kpɔlɔ a galan bɛlɛɛ pɛlɛɛ, kɛi hva kɛ mą, nu hva pɛli kpɛli galan ta kaai hvo nwɔ̨n ɉəɠə ɉu, a wala kɛti yɛ pɛli ya haɠai ɉu.

Azaya 51:18

Non kpɔ ə gaa, da hvo kɛa laa, yɛ pɛli lii a yaa, yɛ kpələ wɛli kulɔ mą, non kpɔ ə gulɔ ɉu, da lɔpee hvo laa, yɛ pɛli ɉon ɉii a ɲee.

Ɉeremi 19:1

Mɛ̨nįi Yai-Laa ə mo Ɉeremi ɓa, ya ka, yɛ mą: 'Li ə́ mulúún ɲá, ɛlɛɛ, ə́ kalanɉon daɠaa həɠə ɉu, da ɉaláá laa həli nuą nu pɔlɔ taɠaa.

Ɉeremi 19:11

ɛlɛɛ, yɛ́ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: Gáá pai nu huwui ŋɛ̨i da daai ŋɛ̨i woloi yɛ bələi da ləɠi wolo la, bɛli pələ hva kɛ mą. Nu powa looi hvo pai kɛi laa, di kaa pai kɛi nu powa looi ə mą kɛ Tafetə.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Woolaa 5:12

Daa galanɉonŋaa hɛlɛn di hvo kpɛli ɓɛlɛ kɛ li ɉulɔgoloɠaa diɛ.

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Zakari 9:13

Ɉuda ɓə gáá gɛi, a nwɔ́ kɔ-kɔ kilɛn, Ɛfraimə ɓaa a mɛ̨ɛ̨kɔw, gɛ́ dɔɔ ɲą. Siɔn, gáá ə́ lonnii ɲąątɔɔi, yɛ́i a Yavan, ə́ lonnii diɛ, gɛ́ ə́ kɛ yɛ kuláá kɛnɛ̨ nwɔ kɔ-kɔ-ɓɔwa.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Timote veelɛ 2:20

Pɛlɛ́ kɛnɛ̨ mu hɛnɲąŋą kəlee di hvo lɔ a: hɛni da wali kwɛli, daɠaa da kɛ a wulu, da ləɠi-pɔlɔ. Da daɠaa kɛ a di yee huɓo hɛnɲąŋą walawala, daɠaa di ɓo a hvįikpɛɛ kóló kɛ hɛn.