Woolaa 3:31 - Yálá laawoo hɛɓɛ (dc)

³¹ Gbalai tɔɔ, Yai-Laa hva gili kulɔ nwɔ nuąi hu a yələ kəlee.

Yálá laawoo hɛɓɛ

³¹ Gbalai tɔɔ, Yai-Laa hva gili kulɔ nwɔ nuąi hu a yələ kəlee.

Bible

³¹ Kpɛ́ni fêi, Ǹuu-namui fa ǹyée kùla núu da mu wɔ́lɔ-wɔlɔ da wɔlɔ-wɔlɔ.

Woolaa 3:31 Kruisverwysings

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Tɔɔɓɛlaa dɔlɔɔ 11:39

Bələ ɓə ŋą́ Davidə huwu hu nuą nwumɛ̨ la tii, kɛlaa, hva kɛ a yələ kəlee mɛ̨nį.›»

Mąątɛ̨nɛ̨ 77:7

Kwiihąą, ŋą́ kɛ gíliŋąhiɛ nwɔ́ wələɠaa diɛ, níi a holi, gɛ́ mɛ̨nį tamąą mąąni kɛ kɛ gbɔ́wɔ ɓa, gɛ́ kɛ mą:

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Ɉeremi 33:24

«Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Nahumə 1:12

Mɛ̨nįi Yai-Laa kaa moi ya ka, yɛ diɛ: «Ə mą kɛ di kpulu ɲąąpɛliɛi, di hu kaa pai kalai, hvaa yɛ kpɛɛ.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.