Woolaa 3:25 - Yálá laawoo hɛɓɛ (dc)

²⁵ Nui a gilitɔɔ Yai-Laa ɓa, mąą nu a Yai-Laa nwɔ túwɔ́ pələ lɛlɛɛ kɔ́lɔn.

Yálá laawoo hɛɓɛ

²⁵ Nui a gilitɔɔ Yai-Laa ɓa, mąą nu a Yai-Laa nwɔ túwɔ́ pələ lɛlɛɛ kɔ́lɔn.

Bible

²⁵ Yâwɛɛ ŋɔmɛni lɛ́lɛɛi káa naa diai mɛni ma díkili káa mài, da diai da gɔ̀rii.

Woolaa 3:25 Kruisverwysings

Zɛnɛse 49:18

Gílitɔɔi yɛ́ Yai-Laa málomun!

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Mąątɛ̨nɛ̨ 105:3

Naa Mąąhəɠə mɛ̨ni ə ka ɓələn, kaai Yai-Laa kwɛlii, 'ka gɛ kwəinɛ̨ɛ̨ hu.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Mąątɛ̨nɛ̨ 25:8

Yai-Laa nwɔ mɛ̨nį lɛlɛɛ moɔ! Ɉaŋąŋąąi moɔ! A nwɔ pələi lɛ nɛ̨ŋɛ̨n ɉəɠənuą diɛ.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 61:1

Nwələ ɲɛ̨itɔwɔmun, Davidə nwɔ hvɛ́li woo. A bɛlɛgwəi.

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Mąątɛ̨nɛ̨ 69:32

Yili wɛli kaa Yai-Laa ɓa ə tɛɛ niŋɛ̨ hilɛ ɓa, ə tɛɛ tɔ̨nɔ̨ niŋɛ̨ hilɛ ɓa.

Mąątɛ̨nɛ̨ 71:14

Nwɛ́i, ɲɛ̨́i kaa lɔ bələi, vį́i hva kpɛɛ; váŋąlɔɔi lɔ ə́ mąątɛ̨nɛ̨ wələɠaa too mɛ̨nį ɓa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.