Woolaa 2:20 - Yálá laawoo hɛɓɛ (dc)

²⁰ Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Yálá laawoo hɛɓɛ

²⁰ Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Bible

²⁰ Óo Yâwɛɛ, kúmalôŋ káa. Gbɛ̂ɛ ƃé ya tá tûa la a bere sîi kɛ́ɛ ŋíi? Gáa, ǹɛyâai da díkpɔɔi lonii miî. Da zâla láa soŋ-ƃelai da Ɣâla ŋɔlóno-ƃelai paâi ŋ̀âla fɛli kwaa-ŋai ma.

Woolaa 2:20 Kruisverwysings

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Mąątɛ̨nɛ̨ 78:64

Ɉaláá laahəli nuą di haa a ɓɔwa kwɛa laa pɔɔ, galaninŋaa di hvo pɛli nuą haa wɔlɔ ɓoi.

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Azaya 22:2

Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Woolaa 4:16

Yai-Laa yaa kpįnįi ɓə di hu taɠa taɠa, hvo kpɛli kɛa bɔ, hvo di kaa a ɲɛ̨ikɔw. Haláá laa həli nuą ɓɛlɛ hvo kɛa ku kwəi, ku hvo kɛa galanɉonŋaa pɔ.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 9:7

Yɛ diɛ: «'Ka Yálá hee pɛlɛ́ mu kala; ɛlɛɛ, 'ka ká wɔ lí ɓo! Di pɛlɛ kɛa nu paa ɓa, daa pɔ.»

Levetekɔ 26:29

Ka káá pai kɛi ka lonnii hinąą da ka lonnii nɛ̨ą mįi.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.