Woolaa 1:3 - Yálá laawoo hɛɓɛ (dc)

³ Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Yálá laawoo hɛɓɛ

³ Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Bible

³ Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Woolaa 1:3 Kruisverwysings

Tɔɔɓɛlaa veelɛ 25:11

Yili pulu, Nebuzaradan, tɔɔmun mąąkpɛ kɔ́kulááɠaa nwun nąmu, ə nɔi lonnii kpəli tii lɛɛ daa kwəi, ə li a diɛ luwɔlaa hu da bulu kulɔ nuą tii di kpɔwɔ tɛɛ Babilonə tɔɔmun bɔ, da nɔi nuą gbəli.

Tɔɔɓɛlaa veelɛ 25:21

Babilonə tɔɔmun ə nuą tii kəlee paa kpɔ kpai Rivla daai Hamatə lɔi hu. Bələ ɓə di Ɉuda nɔi nuą hon na a luwɔ, di di mąą kwɛa di pɔ lɔi ɓa.

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Tɔɔɓɛlaa veelɛ 25:5

Kɛlaa Kalde kɔkulaaɠaa di hvilɛn tɔɔmun bulu di ɉon Ɉeriko ɲɛa kɔ́wɔ hu. Nwɔɔ kɔ́ kɔ́ nuą kəlee daa kɛ pu gɔ́ ɓa, daa taɠa mą.

Ɉeremi 13:19

Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 39:9

Galanɉonŋaai kɛ ni daai, tɔɔmun mąąkpɛ kɔ́kulááɠaa di nwun nąmu Nebuzaradan, ə li a diɛ Babilonə, da nuąi tii kɛ daa pu, diɛ di kpɔɔ tɛɛ bɔi, da gwəli nąmįną gbəliɠaa.

Ɉeremi 52:15

Ɉɛn gɔw nąmįnąi kɛ daa kwəi, da nuąi daa kɛ di kpɔɔ tɛɛ Babilonə tɔɔmun bɔ, da nuąi lɛɛ daai diɛ, dɔɔmun gwɛlɛ kulaa nwun nąmu Nebuzaradan ə li a gəlee.

Ɉeremi 52:8

Kalde kɔ́kulááɠaa di hvilɛn tɔɔmun Sedesiasə pulu, di ɉon Ɉeriko yɛɛ kɔwɔ hu, nwɔ kɔ́kulááɠaa kəlee daa kɛ taɠa, daa nɛɛ gbɔwɔ ɓa.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Woolaa 5:5

Nuąi ku mɔ̨nɔ̨ ɓoi, di kaa pɛlɛni ku pulu; ku hvįi aa kpɛɛ, ku hvįitɔɔ pələ hvo mą.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.