Wɛli 7:4 - Yálá laawoo hɛɓɛ (dc)

⁴ Ə́ ɲįnį hveelɛi kaa yɛ yonŋaa, di kulaa di kee ɓa yɛ lomą lonnii.

Yálá laawoo hɛɓɛ

⁴ Ə́ ɲįnį hveelɛi kaa yɛ yonŋaa, di kulaa di kee ɓa yɛ lomą lonnii.

Bible

⁴ Íkɔŋ kôyaai yɛ̂ɛ séle nyîŋ yèŋ-keŋ. Íŋɛi káa yɛ̂ɛ Ɛsibɔŋ Poai nyii gáa Bɛ-Lebiŋ getii kɔlɛi. Ísũa lɛ̂lɛɛi yɛ̂ɛ Lɛƃanɔŋ yeŋ-keŋ nyii gáa Dɛmɛika taa-leei mɛi.

Wɛli 7:4 Kruisverwysings

Zɛnɛse 15:2

Abramə ə́ mo mą yɛ mą: «Ną́mu Yálá, lə ɓə ə́ kaa pai dɛɛi bɔ́? Ɲą́ą́ ka ŋɛ̨i hvo kɛ lon dɛɛ li bɔ́, lon və mą́ą́ yai pai gwɛ́lin ɉəɠəi. Akɛtii Eliezɛrə ŋɛ̨i a Damasə mun, yii gaa a nwɔ́ luwɔ, ya ɓə pai gwɛ́lin ɉəɠəi?»

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Tɔɔɓɛlaa dɔlɔɔ 10:18

Tɔɔmun ə tɔɔkpəlin gɛnɛ̨ ta pɛli a hə́lə́ ɲįn ə mąą pu a hɛni hu waa.

Tɔɔɓɛlaa dɔlɔɔ 10:22

Tarsisə kələnŋąą di kɛ tɔɔmun ɲəi gboloyá ŋą, diɛ hiɛ kulɔ da Hiramə nwɛiɠaai, ɛlɛɛ, kwɛlan ɉaaɓa tɛɛ pələ tɛitɛi kəlee, gələnŋąą tii di kɛi pa di laahvɛɛ a hɛniɠaa, da wali, da hə́lə́ ɲin, kwalaɠaa, da nwɛ̨nį huwu lɛlɛɛɠaa diɛ kɛ di laa ɓaa: Paon.

Tɔɔɓɛlaa dɔlɔɔ 22:39

Akabə kɛ mɛ̨nį gbəliɠaa, yiiɠaai kpɔ ə gɛ, ɉələ ɲin bɛlɛ́i ə dɔɔ, ə mą kɛ daa kpɛa kpɛaai ə dɔɔ, gəlee di hvo mɔ̨ɔ̨ pɛ̨ɛ̨ li Israɛlə tɔɔɓɛlaa kɛ mɛ̨nį hɛɓɛ́ hu?

Tɔɔɓɛlaa dɔlɔɔ 7:2

Ə gbɛa tɔlɔɔ bɛlɛ́ tɔɔ, ə naa hee a Liban wɛla. Bɛlɛ́ dɔɔ ɉu ə kɛ a yee laa mą nwun dɔ̨nɔ̨, ŋąą ə ɓo a yee laa mą pow lɔɔli, dɔɔmɛ̨i ə ɓo a yee laa mą pow haaɓa. Ə kpitili wulu tɔɔ mu a ɲɛli nąąn, ə da pɛlɛ nwuɔ̨, yili ə ɓo lɔ nwɔ̨nɔ̨ a kpitili wulu.

Tɔɔɓɛlaa dɔlɔɔ 9:19

ə mą kɛ daaɠaa kpɔ tii nwɔ kɔ̨nɔ̨n gələɠaai di kɛ ɉu. Ə mą kɛ da daa yiiɠaai nwɔ wotoloɠaa di kɛ ɉu da ɉooɠaa. Ɓɛi kpɔ nɛ̨ɛ̨ Salomɔn ɓa, ə nąą kəlee tɔɔ Ɉerusalɛmə, Liban lɔi hu, ə mą kɛ nɔi yiiɠaai kɛ ɲee mu.

Kɔlɔnikɔ Veerɛi 8:6

Ə Baalatə tɔɔ da yee mu taaɠaa kəlee ə gɛ a kɔ-kɔ kwɛli hɛnŋąą pui, da daaɠaa kpɔ tii nwotoloɠaa da ɉoo gilɛ həɠə nuą di kɛ laa; yili lɔ ɓə Salomɔn ə kɛ bɔ, ə pɛlɛ la Ɉerusalɛmə ɓa da Liban, da nɔiɠaa kpɔ tii kɛ ɲee mu.

Mąątɛ̨nɛ̨ 144:12

A kɛ ti, ku lon ɉinąą da kɛ yɛ, wulu ɓɔnŋaa, di ɓɔn nɛlɛɛ a di muhəɠə yələ, ku lon nɛ̨ąą di ɓo a kpɔn ɉu kulɔ nɛ̨ąą, di mąąnɛ̨ɛ̨ tɔɔ pɛlɛ́ɠaa mu.

Mąątɛ̨nɛ̨ 45:8

Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Wɛli 1:10

Ə́ kumɔ̨ lɛlɛɛi, nwəli kwɛliɠaa lɔwai, gbɛɛgɔw kwɛɛn ŋɛ̨i ə́ kɔ́nma aa ə́ kɔ́n mąą hon.

Wɛli 4:1

Guɔ ə́ lɛlɛɛ ɓə! Nwɛlikɛmąą nɛ̨ɛ̨nu, ə́ lɛlɛɛ ɓə tai! Ə́ ɲɛ̨i kwɛlɛ laai yɛ tonwələn gbɔlun, ə́ wɔ ɓɔlɔi mu. Ə́ nwun nəɠa laa gee mɛ̨i, yɛ ɓolu kpulu a kɛ Galaadə yee ɓa.

Wɛli 4:4

Ə́ kɔ́n yɛ ɓo yɛ Davidə nwɔ yələi pɛ́lɛ́i, mąą miliin buɔ a gulááɠaa di wɔ kɔ́ kɔ́ gbalai;

Wɛli 4:5

Ə́ ɲįnį hveelɛi kɛ pələ kaa, yɛ lomą lon veelɛ, diɛ kpɔlu wulu powaɠaa lɔwai di kɔ̨nɔ̨n gwɛlii lɔwai.

Wɛli 6:5

Ə́ ɲɛ̨i tinɛ̨n ə́ ɉəɠə mą́ą́, gbalai tɔɔ, yái ɲɛ̨i hee mą́ą́, a ɉúpu mą́ą́. Ə́ nwun nəɠa kaa yɛ ɓolu kpulu a kɛ Galaadə yee ɓa.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.