Wɛli 7:13 - Yálá laawoo hɛɓɛ (dc)

¹³ Yələ wala piinɛ̨ɛ̨, gu humo viɲə yɛa, gu gaa, akɛ gaa kpuwun ɉii, akɛ bowa aa hee ɉu. Akɛ gaani wuluɠaa kaa powai, Akɛti ŋą́ nwɔ wɛlikɛmąą hu mɛ̨inɛ̨ɛ̨ kɛ yɛ́.

Yálá laawoo hɛɓɛ

¹³ Yələ wala piinɛ̨ɛ̨, gu humo viɲə yɛa, gu gaa, akɛ gaa kpuwun ɉii, akɛ bowa aa hee ɉu. Akɛ gaani wuluɠaa kaa powai, Akɛti ŋą́ nwɔ wɛlikɛmąą hu mɛ̨inɛ̨ɛ̨ kɛ yɛ́.

Bible

¹³ Madirɛ wuru-poa-ŋai kúŋ a táa-tâa. Óo ŋá wɛli kɛ́-maa nûui, mɛni lɛ́lɛɛ nina támaa da bɔlɔ tínaŋɔ̂ɔi kúpɛrɛi gbôŋ ma, ǹyaŋ ŋ́gaa nɔ́ wɔ́lɔ ƃɛ́, ŋ́gɛ dílâai kɛ̀ ímɛni.

Wɛli 7:13 Kruisverwysings

Zɛnɛse 30:14

Hvóló ta, mɔ̨nun deei lɔwai, Rubɛn ə lɛɛ tɛɛ ɲɛɛ kɔ́wɔ hu nwului ɲɛ̨i da kɛ mą: mandragorə ə má ta yɛɠɛ, ə paa la nee Lea pɔ. Yii kɛa Rasɛlə ə nwulu ɓá tii kaa, yɛ Lea ɓa: «Néé, gáá nɛ̨ɛ̨mąą hvəi yɛ́, gɛ́ ə́ ə́ lon nwɔ wulu ɓáɠaai ŋɛ̨i ta tɛɛ bɔ́.»

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 4:13

Ə́ wɔ yái, yɛ gaani yɛaɠaa laahɔnmo, diɛi di ɓa nɛ̨ɛ̨; da hɛne powa, ɛlɛɛ, nardə,

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Wɛli 6:11

Ŋą́ li ɉihɛn ɲɛa, ŋį́ yɛɛ ɉihɛn bɛlɛɛɠaa mɛ̨i kaa moloon ɉu, akɛ viɲəɠaa kaa kpuwun ɉii, akɛ gaani wuluɠaa daa powa.

Wɛli 8:1

Ee! Ŋą́ kɛ kpɔ bɔ ə́ kɛ a mą́ą́hulɔnu, a mą́ą́hulɔnui kwa yaa ku ɲįnį tɔ̨nɔ̨ kpələ! Gwa yɛ́ gwa kwiɛn gɛ, ŋą́ ə́ nɛ̨nɛ̨ɓo kɛ, nui lɔpee ta hva kɛ náá ɲɔ̨n mo.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Korɛntə dɔlɔɔ 16:2

Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Korɛntə dɔlɔɔ 2:9

Kɛlaa, yɛ bələi bɛ̨ɛ̨i la, diɛ kɛ: «Mɛ̨nį lɛlɛɛɠaai Yálá aa bɛli nwɛlikɛmąą nuą mąą mɛ̨nį ɓa, ɲɛ̨i kɔ́w ta hvo ni gaa li; hvə ni too li wəli ta hu, ɛlɛɛ, mąą gili hvo ni too li nu kan ɲą.»

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!