Taitɔ 1:7 - Yálá laawoo hɛɓɛ (dc)

⁷ Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Yálá laawoo hɛɓɛ

⁷ Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Bible

⁷ Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii-fãa-goi-nûu, kpaa máŋ lɔ̂ɔ-kpele-nûu, kpaa máŋ namu-kɔ́-nuu, kpaa máŋ sɛŋ-kao-wɛ̂li-nuu.

Taitɔ 1:7 Kruisverwysings

Zɛnɛse 49:6

Kɛlaa, və́ too ka pɔ, ka wɔ lɔgilii laa hu. Vá too di pɔ di wɔ ɲąąkpɔnŋąą hu. Mąąhɔlɔɓo, di lii ə holi, di paa ɓo kɛ. Di nwąnąlɔ kulɔ a nįŋɛ̨ɠaa diɛ di tɔɔ-tɔɔɠaa tee diɛ.

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Hanwon 15:18

Nui a níiholi ɉa, a hvaa too, nui ɲee a pɛli níi ɓa, a kpilɛn ŋąą yɛɛ.

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Ikilisiati 7:9

Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Izikiɛ 44:21

Haláá laa həli mun lɔpee ta hvo lɔɔ kpələ, ɓɛlɔwai gaa pai lɔi la ɲįmąn mu bɛlɛ́n bələ.

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.