Taitɔ 1:6 - Yálá laawoo hɛɓɛ (dc)

⁶ Di tɛitɛi, di mąąnɛ̨ɛ̨i di kɛ a nuąi hɔn və diɛ, di ɓo a nɛ̨ą tanɔ̨n nąmu, di lonnii di ɓo a laa na nuą, di hvo di hɔn mo túwɔ́ pələ ɲɔ̨n mɛ̨nį ta lɔpee hu, di woo mɛ̨nŋąą.

Yálá laawoo hɛɓɛ

⁶ Di tɛitɛi, di mąąnɛ̨ɛ̨i di kɛ a nuąi hɔn və diɛ, di ɓo a nɛ̨ą tanɔ̨n nąmu, di lonnii di ɓo a laa na nuą, di hvo di hɔn mo túwɔ́ pələ ɲɔ̨n mɛ̨nį ta lɔpee hu, di woo mɛ̨nŋąą.

Bible

⁶ Dí kɛ́ a ǹûai nyíi dísɔŋ fé diai. Dí nɛnî tɔnɔ-tɔnɔ kúla nɔ. Dí kɛ́ a ǹûai nyii-ŋai dínîa-pɛlɛɛi díkaa a laa-la-ƃela. Dífe kɛ̀ a nîa-pɛlɛɛ nyíi-ŋai nûa da mò a dílaa a tãi kélee a gɛɛ dísɔŋ nyɔ́mɔɔ̂i, woo-mɛni fé díyêei.

Taitɔ 1:6 Kruisverwysings

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Hanwon 28:7

Nui a tɔ́n nwoo hon kilimąą mun ni. Kɛlaa, nui da túwɔ́ pələ ɲɔ̨n gɛ nuą da hiɛ, a nwumɛ̨ tɛ a gaa nąn.

Izikiɛ 44:22

Di hvo kalanin ɉəɠə a di nɛ̨ą, da nɛ̨ɛ̨nui daa gulɔ lɔwɔi. Hvo kɛi lɔ nɛ̨ɛ̨gbɛlaɠaa, a Israɛlə huwu, kɛlaa da pɛli ɉaláá laa həli mun da nwɔ kalanin ɉəɠəi a di nɛ̨ą.

Levetekɔ 21:14

Hvo kalanin ɉəɠə a nɛ̨ą, ə mą kɛ nɛ̨ɛ̨nui daa gulɔ lɔwɛi, hvo wɛlikɛ nɛ̨ɛ̨nu həɠə a nɛ̨ą. Kɛlaa, di huwu ta ɓə a ɉəɠə,

Levetekɔ 21:7

«Mąą hvo nɛ̨ɛ̨li di hvo wɛlikɛnɛ̨ɛ̨nu həɠə a di nɛ̨ą, a wala kɛ tii, nɛ̨ɛ̨nui mɛlɛkpɛɛ mą. Nɛ̨ɛ̨nui ɉilɛ a gulɔ lɔwɛi, di hvo ɉəɠə a nɛ̨ą. Mąąhɔlɔɓo, haláá laa həli mun gaa a Yálá nwɔɔ.

Malasi 2:15

Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Lukə 1:5

Ɓɛlɔwai Herodə ə kɛ la a tɔɔmun Ɉude lɔi nwun na, ɉala laa həli mun da ə kɛ laa, diɛ kɛ nąą ɓa Zakari. Ɉaláá laa həli nu kpului ŋɛ̨i di kɛi kɛ nąą ɓa: Abia yee mu, Zakari ə kɛ a ɉu mun da, nɛ̨ą laa ɓa kɛ a Elisabɛtə. Elisabɛtə tii ə kɛ a ɉala laa həli nuą nwun nąmu kɛnɛ̨ Aarɔn huwuhu mun da lon nɛ̨ɛ̨nu.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Timote dɔlɔɔ 3:12

Gbɔn ɉu mɛ̨nį ɲɛ̨i kulɔ nuą, di nɛ̨ąni di kɛ tɛitɛi, di pɛliɛ di lonnii ɲąąwooɓoi da di wɔɔ pɛlɛ́ɠaa.

Taitɔ 1:10

A tɛ̨ą, nu tamąą kaa laa di hva lɛɛ nwoo mu laa kɛ, gəlee mą kɛ, Ɉuifəɠaai daa kɛ a Kristalɛa, da kɛ nu tamąą ɓowoi a lɛɛ woo kpɛli-kpɛliɠaa.

Samuɛlə dɔlɔɔ 2:11

Ɛlkana ə li bɔɔli Rama, nokolo nwɛi, ə kɛi tí Yai-Laa ɓa, ɉaláá laa həli mun Eli ɲɛ̨i ɓa.

Samuɛlə dɔlɔɔ 2:22

Eli pɔlɔɔ kɛa kɛ kɛnɛ̨, dúwɔ́ taaləi nonnii di kɛ gɛ a Israɛlə nuą kəlee, ə kɛi bələ mɛ̨n; Ə mą kɛ laai ŋɛ̨i di kɛi mo a nɛ̨ąąi ŋɛ̨i kɛi pa gee kaa kələ laaləi.