Taitɔ 1:11 - Yálá laawoo hɛɓɛ (dc)

¹¹ 'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Yálá laawoo hɛɓɛ

¹¹ 'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Bible

¹¹ Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Taitɔ 1:11 Kruisverwysings

Mąątɛ̨nɛ̨ 107:42

Tələnmo nuą di yili nąą kaa, diɛ pili yələi a kwəinɛ̨ɛ̨, ɛlɛɛ, yili yɛ kili ɲɔ̨n gwəi nuą laa pɛlɛ mą.

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Lukə 20:40

Mąąhɔlɔɓo, nu tɔ̨nɔ̨ kpɛli hvo pɛli kɛa mąąni kɛi.

Ɉaan 10:12

Kɛlaa, wali kwɛli mun nwɛ́i, yɛ pələi hvo la a ɓɛlaa mɛ̨i kaa mun, ɓɛlɔwai a kwɛ́lí kaa la yɛ pa, a tɛɛ a gilɛ, ə mɛlaaɠaa lɛɛ laa. Gwɛ́líi tii ə too mɛlaaɠaa hu ə di hu taɠa.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Korɛntə veelɛ 11:10

Kristə mąą tɛ̨ąi heeni ɉú, ɉáálai, gáá kpɔ moi gɛ́: Ɲɛ̨́i pono mɛ̨nįi gaa Akaiə lɔi hu, hva kulɔ ɲə́i.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Timote dɔlɔɔ 5:4

Akɛ lonŋaa da kɛ galanin da yəi, a wala kɛ ti mąnįnni, diɛi ti ɓə tɔlɔɔ mąąnɛ̨ɛ̨ di Yálá mɛ̨nį lɛ di yəi bɛlɛ́n nuą diɛ, gwələi di kaa-nuą di bili diɛ, di da kulɔ. Yili kpɔ ɓə nɛlɛɛ Yálá ɲɛ̨i ɓa.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Timote veelɛ 2:18

Daa həɠə tɛ̨ą pələ mɛ̨i, diɛ kɛ, haaɓɛlaa daa gbɛa nwun; diɛ nu tamąą di wɔɔ laa na laa həɠə la tii bələ mɛ̨i.

Timote veelɛ 3:6

Daɠaa kaa di lɔwai, da lɔ bɛlɛ́ɠaa mu, nɛ̨ąąɠaai hvaŋą hvo di yəi, diɛ di hon a di wɔɔ túmɔ̨i, a nɛ̨ąą tii di wɔ nɛ̨ŋɛ̨n diɲɛ heɛ ni di nwuɔ̨, diɛ ɓo la ni di liiɓa mɛ̨nįi lɔpee gəlee pulu,

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Taitɔ 3:10

Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu.