Sofoni 2:2 - Yálá laawoo hɛɓɛ (dc)

² Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Yálá laawoo hɛɓɛ

² Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Bible

² Ka kpɔŋ tóo ka falâa koôŋ la yɛ̂ɛ da sɛŋ fɛ̂ɛ a lâa. Yâwɛɛ ŋɔlii-ŋwânai fa-lâa pá la kápɔ tãi ŋɔtɔ̂ŋ-kpɛ-maa ɣelei a pâ lai.

Sofoni 2:2 Kruisverwysings

Zôo 21:18

Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»

Mąątɛ̨nɛ̨ 1:4

Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»