Osia 8:10 - Yálá laawoo hɛɓɛ (dc)

¹⁰ Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Yálá laawoo hɛɓɛ

¹⁰ Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Bible

¹⁰ Berei máŋ díkaa nâa la lɔii-ŋuŋ da kpɛ́ni-ŋa su-ƃela sámai, ŋa pâi díŋa tɛ̂i díkîe ma, ŋa díkula naa. Kɔlɔ a pâi kpɛɛ̂i dîa a ŋánaa dímɔ̃lɛ laai su Asiria kaloŋ yée mu.

Osia 8:10 Kruisverwysings

Tɔɔɓɛlaa veelɛ 14:26

Nwumɛ̨ mɛ̨nį ɲąąnwąnąąi Israɛlə ə kɛ ɉu, Yai-Laa ə nąą kaa, nu ta lɔpee hvo hɔlɔɓo, yɛ pɛli kpɔnmąą tɛɛi Israɛlə nuą pɔ, yɛ ə kɛ a luwɔ-oo, yɛ kɛ a kaa lon, nu ta hvo hɔlɔɓo a Israɛlə kulɔ ɉu mun.

Tɔɔɓɛlaa veelɛ 17:3

Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Tɔɔɓɛlaa veelɛ 17:4

Kɛlaa, Asiri tɔɔmun aa kɛ gbaɠala kaa, yɛ Ose a nɔgilii kɛ mą. Mąąhɔlɔɓo, Ose ə nuą tɔɔ Eziptə tɔɔmun So pɔɔli, ɛlɛɛ, hvo kɛa kɛi nįįhɔ̨nwɔ̨ kulɔ Asiri tɔɔmun mą yɛ bələi a gɛ la a kwɛlan gəlee. Asiri tɔɔmun ə Ose hon, ə yɔwɔn doo gɔwɔ kwąną, ə doo gaho ŋą.

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Azaya 30:2

Da kɛ lii Eziptə lɔi hu, di hva di nwun dɔɔ a ɲą́ą́, diɛ li diɛ di loo Faraɔn nwɔ taa wala wala hu, diɛ li diɛ di mąąkilɛ Eziptə nįnįn mu.

Azaya 36:13

Gɔ́kuláai tii ə tɔɔ, ə tómą a nwoo kɛnɛ̨, a Ɉude woo, yɛ diɛ: «Ka ka weli tɔɔ dɔɔmun gɛnɛ̨, Asiri tɔɔmun nwoo ɓa.

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Izikiɛ 16:33

Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Izikiɛ 22:20

Wali, ɓala kwɛli, kwɛli kpɛli, da howa kwɛli, ŋą́ gəlee pu gee mɛ̨i; di nwɔ̨n bu ɉu, ə lɛɛ ɉu ə həɠeen. Bələ ɓə gáá pai ka pui la gee mɛ̨i, níí holi pələ da níí ɲąnwąną pələ ɓa. Ŋą́ ka pu, ŋą́ ka həɠeen.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Osia 10:10

Gáá bɔ ŋį́ di hutɔɔ, mąąhɔlɔɓo, daa kanąn di wɔ nɛ̨ŋɛ̨n veelɛi ɓa, lɔiɠaa kaa pai tínɛ̨n ɉii diɛ.

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Egaa 2:6

A tɛ̨ą, Yai-Laa Mɛ̨nį Kəlee ŋą Hééɓomun kaa moi kaa, yɛ kaa: ɉu hvo kwɛa li, gáá pai yələkɔlɔn da lɔi, ə mą kɛ gboloyá di kpɛlin ɉi.