Osia 6:6 - Yálá laawoo hɛɓɛ (dc)

⁶ Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Yálá laawoo hɛɓɛ

⁶ Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Bible

⁶ Ŋá wɛli-kɛ-maa su kpanaŋɔɔ wɛ́li ní é tɛ́ɛ sâla kúlaa ma, ŋ́gɛ ŋwɛ̀li a gɛɛ ká Ɣâla ŋɔtárei wɛ́li é tɛ́ɛ kéreŋ-sala kúlaa ma.

Osia 6:6 Kruisverwysings

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Maafîu 12:7

Akɛ kɛ nwoo ŋɛ̨i Yálá laawoo hu, ka mukulaa kɔ́lɔn, yai ŋɛ̨i da kɛ mą: ‹Ɲɛ̨i mąą wɛli kaa ɓə gáá bɔ, ə tɛɛ taa-təlɛɛ haláá kulaa ɓa›, ka hvo li kɛ nuą ŋɛ̨i kaa a hɔn mąą nuą.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Amɔsə 5:21

Ka wɔ hɛliɠaai wɛli hvo mą́ą́, di ɓɛlɛ hvo gwə́i. Ka wɔ ŋąąkpɔn, naa wɛli hva ɉón.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Ikilisiati 5:1

'Hvó hvaa ɉą, 'hvó ə́ laa mąąhulɔ ə́ woo kwɛlɛi Yálá ɓa; Mąąhɔlɔɓo, Yálá kaa yələi, ɛlɛɛ, yɛ́n ə́ ɓo ɓɛ lɔi mɛ̨i. Yili mąą mɛ̨nį ɓa, Mąąnɛ̨ɛ̨ ə́ hvaa a bɛliɛ mą.

Ɉeremi 22:16

Ə kɛi lɔ mąąwɛli mun da yeehowolo mun di mąą mɛ̨nį ɲɛ̨i kulɔ, yɛnɛ̨ɛ̨ ɲąąnɛ̨ɛ̨ li kɛ; kɛlaa nui a túwɔ tii, a nɛ yɛ ə gɔ́lɔn. Yai-Laa woo li!

Maafîu 5:7

Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Ɉeremi 7:22

Ɓɛlɔwai ŋį́ ka nąnni kulɔ la Eziptə lɔi hu, ɉaláá hveelɛi tii mąą mɛ̨nį lɔ hvəi ŋį́ mo diɛ.

Zɔ̂ŋ Maa-ŋuŋ 3:6

Nui lɔpee a kɛ ɉu, hva kɛa nɛ̨ŋɛ̨n ɉəɠə. Nui a nɛ̨ŋɛ̨n ɉəɠə, hva gaa, ɛlɛɛ hva gɔlɔn.

Zɔ̂ŋ Maa-ŋuŋ 2:3

Ɛlɛɛ, yili ɓə gwa gaa la, guɔ, gu gɔlɔn: akɛ gwa nwɔ tíɓoɠaai pɔ yíiɓo.

Mise 6:6

Lə kpɔ ɓə ɲə́i gɛ́ li tɔɔi la Yai-Laa lííla? Gɛ́ li pɛlɛi la yələkɔlɔ́n ɉu Yálá kɔ́wɔ mu? A kɛ tii, ŋą́ li bɔ a haláá hɛn da gəlee kələn? Ŋą́ li kan a kwɛlan dɔ̨nɔ̨ nįŋɛ̨ɠaa?

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Mąątɛ̨nɛ̨ 50:8

Və́ ə́ hvalai ə́ wɔ halááɠaai mąą mɛ̨nį ɓa, ə́ wɔ haláá hɛnŋaai yá gəlee kələn, di kaa ɲɛ̨́i ɓa a yələ kəlee.

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Zasua 5:5

Yaan, nuąi kpɔ kulɔ Eziptə lɔi hu, gəlee di kɛ a kɛ́nɛ̨ lonnii. Yili pulu, nu kanŋaai di di hɔlɔɓo bələ pɔ, di kulaa Eziptə, di hvo ni kɛ yiliɠaa hee li kɛ́nɛ̨ ɓa.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.