Osia 5:6 - Yálá laawoo hɛɓɛ (dc)

⁶ Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Yálá laawoo hɛɓɛ

⁶ Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Bible

⁶ Da pâi díƃala-ŋai da díniŋa-ŋai siɣêi dí lí a dia a gɛɛ dí sâla kula a dia Yâwɛɛ ma, kɛ́lɛ dífe pâi gâai, kpɛ́ni fêi, a dílɛɛ.

Osia 5:6 Kruisverwysings

Lɛɛ gbɔwɔ ɓa 10:9

Moisə yɛ mą: «Ku lonnii, ku wɔ nu pɔlɔ-pɔlɔɠaa, ku yəi taatɛlɛɛɠaai kəlee, kwa diɛni ɓə lii. Mąąhɔlɔɓo, ku kaa lii Yai-Laa mąąwiɛ hɛli pui.»

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Wɛli 5:6

Ŋą́ą́ bɛlɛ́ laa ɓo nwɔ́ wɛlii tɔwɔ, Kɛlaa, nwɔ́ wɛlii ə tɛɛ lɔ ɲɛ̨́i hvili, lii tii aa mo, nwooɠaa di kɛi níi kulɔ mą́ą́; ya hvə, ŋą́ą́ gwɛli! Ŋą́ą́ dəli lɔ kpali-kpali! Hvo hvaa li ɲə́i.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Woolaa 3:44

Yáá ə́ mąą kpįnįn gɛ a tulɔ kpįnįn ə gɛ, ku wɔ hvɛli wooɠaa di hvo pa həli yɛ́.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Amɔsə 8:12

Nąąlɔwai, da kɛ di nwun ma, diɛ lia li, ə həɠə nɔi ɉɛɠɛi pələ, yɛ li voló tooi pələ, ə həɠə ɲąnwuɔ̨ pələ, yɛ li voló həɠəi pələ. Da kɛ Lɛa li, ə gɛ, di Yai-Laa lawoo kwɛli di mɛ̨n, Kɛlaa, di hva ɉɔlɔɓo.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lukə 5:16

Yili pulu, Jesus ə li dɔ̨nɔ̨ kɛɛnąą yɛ Yálá hvɛli.

Ɉaan 7:34

Ka káá pai gwɛ́lii, kɛlaa, ka hvo pai gáái, mąąhɔlɔɓo, ɓɛi gáá pai kɛi laa ka hva pɛli pai laa.»