Osia 4:5 - Yálá laawoo hɛɓɛ (dc)

⁵ Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Yálá laawoo hɛɓɛ

⁵ Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Bible

⁵ Ya pâi karênii a ɣele ƃɔ́ɔ, yɛ̂ɛ à kɛ̀ a kpíni. Ɣâla ŋɔlóno kɛ̂-nuui a pâi karênii máŋ bere sîi tɔnɔi ŋí su. Ŋa pâi Eezuɛ su-karâi nyii gáa a íleei.

Osia 4:5 Kruisverwysings

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Ɉeremi 50:12

Nwumɛ̨ aa ka lee ɲɛ̨i paa, nɛ̨ɛ̨nui ŋɛ̨i ka kaai, nwumɛ̨ aa tɛ ma, lɔiɠaa lɔwai, aa kɛ a nɛɛ bulu, aa kɛ a: lɔi pun, ɉu kpalaa, a lɔi kpoloon.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 5:5

Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;