Osia 14:2 - Yálá laawoo hɛɓɛ (dc)

² Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Yálá laawoo hɛɓɛ

² Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Bible

² Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Osia 14:2 Kruisverwysings

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Mąątɛ̨nɛ̨ 119:108

Yai-Laa, nwɔ́ hvɛli wooɠaai, gáá naa həlii yɛ́, 'ə́ yee hee mu, Ə́ liiɓa mɛ̨nįɠaa lɛ mą́ą́.

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Mąątɛ̨nɛ̨ 51:16

Ee kə́! Yálá! Mɔ́lu Yálá! 'Hvó ɉón yɛ bələi ŋą́ túwɔ́ la, gɛ́ pɛli yɛ́ tələnmolaa hu kulɔi a nwóó kɛnɛ̨.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Osia 12:7

Ə́ wɛi, pənə ə́ pa ə́ wɔ Yálái pɔ, ə́ yee kanąn tɛ̨ą mɛ̨nį ɓa, da kwəi kwələ laa, ə́ kilitɔɔ lɔ Yálá ɓa yələ kəlee.

Osia 5:5

Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Zakari 3:4

Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Lomaŋ 11:27

Yili ɓə pai kɛi kwa diɛni ku lɔwai a kąnąlaa, ɓɛlɔwai gáá pai nɛ̨ŋɛ̨n gulɔi la diɛ.»

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 10:4

Mąąhɔlɔɓo, niŋɛ̨ ɲąmą da ɓolu ɲąmą di hva pɛli nɛ̨ŋɛ̨nŋaa kulɔi nu ɓa.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.