Osia 13:11 - Yálá laawoo hɛɓɛ (dc)

¹¹ Ŋą́ tɔɔmun dɛɛ ə́ pɔ lííholi hu, lííkələn gwəi hu, gɛ́ pənə gɛ́ ɉəɠə.

Yálá laawoo hɛɓɛ

¹¹ Ŋą́ tɔɔmun dɛɛ ə́ pɔ lííholi hu, lííkələn gwəi hu, gɛ́ pənə gɛ́ ɉəɠə.

Bible

¹¹ Ŋá kâloŋ-ŋa tɛ̀ɛ kápɔ lii-ŋwâna-pere su. Ŋá díkula káyêei lii-ŋwâna-pere su.

Osia 13:11 Kruisverwysings

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Osia 10:3

Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Osia 10:7

Samari aa nwɔ yɛnɛ̨ɛ̨ laa kulɔ, ə mą kɛ nwɔ tɔɔmun, gaa yɛ wulu kalan a kɛ too ni yá ŋą.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Osia 8:4

Di tɔɔɓɛlaa hee di hvo mą́ą́nin gɛ, di di ɲɛ̨itɔwɔ nuą hee, və́ kɛ hvaa li mą. Di haliɠaa pɛli di kpɔwɔ ɓa, a di yəi waliɠaa, da di yəi hɛniɠaa, diɛ kpinįi, di hu yɛ pɛli kalai la.

Samuɛlə dɔlɔɔ 10:17

Samuɛlə ə nɔi lonnii ŋąąkpɔn Mispa Yai-Laa lííla.

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 12:1

Samuɛlə yɛ Israɛlə lonnii kəlee diɛ: «Mɛ̨nįɠaa kpɔ ka mo mą́ą́, ya ka ŋɛ̨i ŋą́ą́ ɲéé hee gəlee mu, ŋą́ą́ tɔɔmun ɉee ka nwun na.

Samuɛlə dɔlɔɔ 12:13

Yili ɓa, yiihu, tɔɔmun ka vɛli a ka liiɓa, yaai ka ɉəɠə a ka liiɓa, ya ka. Yai-Laa aa tɔɔmun dɛɛ ka pɔ.

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»