Osia 1:4 - Yálá laawoo hɛɓɛ (dc)

⁴ Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Yálá laawoo hɛɓɛ

⁴ Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Bible

⁴ Nya ƃe Yâwɛɛ è mò Osia ma ǹyɛɛi, “Ǹáa sée a Zariɛɛ, kpɛ́ni fêi, nàa kuro a kɛ̀ tí, ŋa pâi tɔ̂ŋ pûi Zewu ŋɔpɛ́rɛi ma ǹûai paa-mɛni ma Zariɛɛ tiŋ-tiŋ su. Ŋa pâi Eezuɛ lɔii su kara-kârai.

Osia 1:4 Kruisverwysings

Tɔɔɓɛlaa veelɛ 10:1

Akabə gwəi lonnii da ɉuwuhu hinąą di kɛ a nu pow mɛ̨ihveelɛ, diɛ ɓo Samari daai. Ɉehu ə hɛɓɛ́ɠaa pɛ̨ɛ̨, ə dɛɛ galanɉonŋąą diɛ, da nuąi kɛ Akabə lonnii mąąkwɛli Samari, yɛ diɛ:

Tɔɔɓɛlaa veelɛ 10:17

Di həliɛ Samari, Akabə yəi bɛlɛ́n nuąi kɛ yɛnɛ̨ɛ̨, diɛ ɓo nąą daai, Ɉehu ə gəlee paa. Ə gəlee nwun napili kpɔ tɛ̨ɛ̨ tɛ̨ɛ̨, yɛ bələi Yai-Laa ə mo la Eli laaləi.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 15:8

Ɉuda tɔɔmun Azariasə nwɔ tɔɔlaa gwɛlan bow haaɓa kɔ́w mɛ̨ihaaɓa lɔwai, Ɉeroboamə lon Zakari ə tɔɔlaa hɔlɔɓo Israɛlə lɔi hu Samari daai. Ə ɲąnin ɉaaɓa kɛ ɉu.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 8:3

Kwa Yálá kwəi mɛ̨nį hukulɔ nɛ̨ɛ̨nu ku lɔ pɛlɛ́n; ə koo həɠə, ə lon ɉulɔnu kaa, Yai-Laa yɛ mą́ą́: «'Naa hee a: Mahɛrə-Salalə-Hasə-Bazə;

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 20:3

Yili pulu, yələ ɓoɔ, Pasehurə ə pa Ɉeremi hvólóon mɛ̨nį ɓa, Ɉeremi yɛ mą: «Ə́ laa hvaa kɛa Pasehurə, Yai-Laa aa ə́ laa mąąhvalin a: ɲɔw bələ kəlee.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Izikiɛ 23:10

Lɛani di gbuwulu ɓo; di non ɉinąą da non nɛ̨ąą həɠə; yai ti nwɛi, di baa a kɔ́ kɔ́ ɓɔwa; ə kɛ a kɔ́ɔnmąą mɛlaa nɛ̨ąą ɲɛ̨i ɓa; yii ə gwɛli, di naa mą.

Izikiɛ 23:31

Ə́ hvilɛn ə́ liɛ nɛ̨ɛ̨nu pulu; yili mąą mɛ̨nį ɓa, gáá nwɔ́ gbamąi lɔi ə́ yəi ɲą, yai a nwɔ́ líiholi gbamą.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Osia 1:9

Yai-Laa yɛ mą: «Naa hee a Lo-Ami, mąąhɔlɔɓo, nwɔ́ nu huwu hvaa a kaa, ɛlɛɛ, və́ kɛa a ka wɔ Yálá.»

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Osia 2:22

Gáá ə́ həɠəi a nɛ̨́ą, vá ə́ ɓowo, ɛlɛɛ, ə́ kaa pai Yai-Laa kɔ́lɔn ɉii.

Osia 9:17

Nwɔ́ Yálái kaa pai di pilii, gbala ə tɔɔ, di hvo di wəli tɔɔ li nwoo ɓa, ɛlɛɛ di kaa pai kɛi lii di nwun ma lɔiɠaa hu.

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Lukə 1:31

Ə́ kaa pai koo həɠəi, ə́ lon ɉulɔnu hɔlɔɓo, ə́ naa hee a Jesus.

Lukə 1:63

Zakari ə kpəlin mɛla ta həɠə, ə bɛ̨ɛ̨ ŋą, yɛ mą: «Naa ɓa a Ɉaan.» Nuą tii kəlee kwəi ə pili diɛ.

Ɉaan 1:42

Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Zasua 19:18

Di ɲɛ̨n ə kɛi həɠə Izreɛlə pələ, da Kesulotə, da Sunɛmə,