Nehemi 9:2 - Yálá laawoo hɛɓɛ (dc)

² Nuąi kɛ a Israɛlə nu huwu, di kulɔ nwɛ̨ąą lɔwai di tɔɔ a di tee, diɛ hvaa di kɛ nɛ̨ŋɛ̨nŋąą diɛ da di nąnni di wɔ túwɔ́ pələ ɲɔ̨n.

Yálá laawoo hɛɓɛ

² Nuąi kɛ a Israɛlə nu huwu, di kulɔ nwɛ̨ąą lɔwai di tɔɔ a di tee, diɛ hvaa di kɛ nɛ̨ŋɛ̨nŋąą diɛ da di nąnni di wɔ túwɔ́ pələ ɲɔ̨n.

Nehemi 9:2 Kruisverwysings

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Ɛsdrasə 10:11

Yii hu kɛa, ka hvaa ka hɔn ma Yai-Laa ka ną́nni di wɔ Yálái ɲɛ̨i ɓa, ɛlɛɛ, ka túwɔ́ yɛ bələi gaa la bɔ, ka nɔi nuą ka taɠa, ə mą kɛ, nwɛ̨ą nɛ̨ąąɠaai ka yəi, ka di kulɔ lɔwɛi.»

Ɛsdrasə 6:21

Israɛlə lonnii kəlee di pakə kɔ̨nɔ̨n mįi, ə mą kɛ nuąi kulɔ nuwɔ laa hu di pa, di pa di kaayɔwɔɠaa pɔ, ə mą kɛ nuą di yee kulɔ hali mɛ̨nį hu, da diɛni diɛ kwɛli hvilɛn Yai-Laa Israɛlə nwɔ Yálá ɓa.

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Nehemi 10:28

Malukə, Harimə, Baana.

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Nehemi 13:3

Dɔ́n ɉɛɓɛ́ hu woo mɛ̨n di mo, Israɛlə nuą lɔwai, nwɛ̨ąą kpɔ kɛ laa, da diɛni di di ɓɛlaɓo.

Nehemi 13:30

Ŋą́ di mąąhəɠə, ŋį́ nwɛ̨ą kulɔ di lɔwai, ŋį́ pənə ŋį́ ɉaláá laa həli nuą da Levi huwuhu nuą hee di kɛ koló nwun na, nu kəlee da gɛ koló.

Mąątɛ̨nɛ̨ 144:11

'Málo, ɛlɛɛ ə́ mą́ą́kɔ̨nwɔ̨ wɛ̨ą nu huwu yəi, yai naaləi kaa lɔ a lɛɛ kɛ laaləi, mamįiyee ə ɓo a nu ɓowo yee.

Mąątɛ̨nɛ̨ 144:7

Lɛɛ yələi, ə́ ə́ yee haŋą, ə́ málo, ə́ gúlɔ yánwąną yəi, ə́ gúlɔ nwɛ̨ą nu huwu ɲəi.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Azaya 2:6

Yálá! Yáá lənə ə́ wɔ nu huwui ɓa, diɛi ɓaa Ɉakɔbə nwɔ pɛ́lɛ́i, mąąhɔlɔɓo, nɔiɠaai ɲɛ̨i vóló həɠəi pələ, di túwɔ́ pələ ɓə gaa di yee pɔ. Bələi lɔ tɔlukpɛ mɛ̨nį ka laa Filisti nuą yee pɔ, bələ lɔ ɓə ə́ wɔ nuąi da gɛ la, ə́ wɔ nuąi da hį́i takpɛliɠaa da kɛ mɛ̨nįɠaa tɛɛi gee pulu.

Ɉeremi 14:20

Yai-Laa! Ku kili kaa ku hɔn ɉu, da ku nąnni di wɔ túwɔ́ pələ ɲɔ̨n. A tɛ̨ą kwaa ku hɔn gɛ a yɛ́;

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Osia 5:7

Daa kulɔ Yai-Laa pulu, mąąhɔlɔɓo, daa wɛlin nonnii kaa; Yiihu, aa lɛɛ a ɲąnin dɔ̨nɔ̨, da di kwɛlinŋąą di hu yɛ kala.