Mise 2:3 - Yálá laawoo hɛɓɛ (dc)

³ Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Yálá laawoo hɛɓɛ

³ Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Bible

³ M̀ɛni ma, Yâwɛɛ è mò ǹyɛɛi, “Ka gáa, ńdɔɔ̂i kâa. Ŋa mɛni nyɔ́mɔɔ kpɛtɛ̂i kámɛni ma nyii káŋuŋ fé pâi kulâi zui. Káfe pâi ŋɔ́nɔ siâi a yoŋka-pere kpɛ́ni fêi, a pâi kɛ̂i a mɛni kpɔ̂lu ɣele.

Mise 2:3 Kruisverwysings

Amɔsə 5:13

Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Ɉeremi 8:3

Ə lɛɛ, haa hviɛla a ɓo nu kɛɛ yɛnɛ̨ɛ̨ ɓa, nuą pai lɛɛ nu huwui lɔwai a di hulu di ɲɛ̨i ɓa; gáá pai di taɠa taɠai kɛnaa kəlee ɓa. Ɲą́ą́ Mɛ̨nį Kəlee ŋą Hééɓomun Yai-Laa wóó li.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Woolaa 5:5

Nuąi ku mɔ̨nɔ̨ ɓoi, di kaa pɛlɛni ku pulu; ku hvįi aa kpɛɛ, ku hvįitɔɔ pələ hvo mą.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Lomaŋ 16:4

Diɛ ɓə kɛi pa haai mą́ą́ mɛ̨nį hu. Ɲą́ą́ dɔ̨nɔ̨ hvei di mąmą ɓoi; ɲąą kwa gbɔnŋaai di kaa huwu takpɛliɠaa lɔwai kwa diɛni ɓə.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Amɔsə 2:14

Ə mą kɛ nui gɔwɔ mąą hulaa gilɛ həɠəi, hvo pai pɛlii mąą kilɛi. Nui kpɛli ɉu walawala, hva pɛli nwɔ huwalawala lɛi, ə ma kpɛli kɛ kɔ́kuláá walawala ɓə, nwun mąą hvo pai ɓoi.

Woolaa 1:14

Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Ɉeremi 43:2

Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Ɉeremi 27:12

Ɉuda tɔɔmun Sedesiasə nwɛi, mɛ̨nįi gáá moi mą, ya ka: «Ka ka nwun nɔ Babilonə tɔɔmun nwɔ tiŋɛi mu, ka tí mą, yaa da nwɔ lɔi əgɛ ka lɛɛ yɛnɛ̨ɛ̨.

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Azaya 3:16

Yái-Laa yɛ: yii Siɔn nɛ̨ɛ̨lɛa kaa ɓələn gulɔi, da kɛi hiɛ daa di ɲɛ̨i pili yələi, diɛ nuą ɲɛ̨i kwɛli, di hiɛ diɛ di wilɛn gbɛlin, diɛ di kɔ́wɔ kwaną talanən bɛlɛɛ tin dɔɔ;

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai: