Markə 3:7 - Yálá laawoo hɛɓɛ (dc)

⁷ Jesus da nwɔ kalan nɛai də li Galile bówa kwɛlɛ. Nu kpulu kɛnɛ̨ ə hvilɛn bulu. Daɠaa di həɠə Galile lɔi hu, daɠaa Ɉude lɔi hu,

Yálá laawoo hɛɓɛ

⁷ Jesus da nwɔ kalan nɛai də li Galile bówa kwɛlɛ. Nu kpulu kɛnɛ̨ ə hvilɛn bulu. Daɠaa di həɠə Galile lɔi hu, daɠaa Ɉude lɔi hu,

Bible

⁷ Zîsɛ è tɔ̀ɔ ŋɔpôlu-ƃelai túɛ da dia ní dí lí yúo-loŋ kɔlɛ. Kpɔŋ támaa su-ƃela dí pìlaŋ bôlu. Ǹûai ŋí da-ŋa dí kùla Galalii, Zuda da

Markə 3:7 Kruisverwysings

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Maafîu 12:15

Yii kɛa Jesus ə di wɔ kiliŋąhiɛ kaa tii, ə həɠə laa yɛ li. Nu kpulu kɛnɛ̨ ə hvilɛn bulu, ə ɲɔ̨n gɛ nuą kəlee kɔ́lɔi pono.

Maafîu 12:16

Ə kɛi mo diɛ a nwąnąi, yɛ diɛ: «Ka hvo mo nuą diɛ.»

Maafîu 4:25

Nu kpulu tamąą di hvilɛn Jesus pulu, daɠaa diɛ həɠə Galile lɔi hu, ə mą kɛ, Dekapolə nuą, da Ɉerusalɛmə nuą, əlɛɛ, da Ɉude lɔi hu nuą, ə mą kɛ, Ɉurdɛn ya pulu nuą.

Markə 1:39

Ə Galile lɔi hu hiɛ nąą kəlee, yɛ nuą mąąkwɛli di wɔ Yálá hvɛli pɛlɛ́ɠaa mu, ɛlɛɛ, yɛ ɲinɛ̨nŋąą kpɛ.

Markə 1:45

Kɛlaa, ɉulɔnu tii ə li ə mɛ̨nį tii hukulɔ kɛɛnąą kəlee ɓa. Yili ɓə gɛ, nuą diɛ həɠə kɛɛnąą kəlee diɛ pa bɔ.

Markə 3:20

Jesus ə pənə ə pa bələn, nu kpulu kɛnɛ̨ ə pənə ə ŋąąkpɔn gwɛlɛ. Jesus da nwɔ kalan nɛai di hvo kɛi kpɛli lɔwai hɔlɔɓo, ə gɛ, di di kɔ̨nɔ̨n mį́i.

Markə 4:1

Jesus ə kalan gɛ nwɔ̨nɔ̨ Galile bowa-ya kwɛlɛ, nu kpulu kɛnɛ̨ ə ŋąąkpɔn gwɛlɛ; ə tɛ ə hee gələn ɉu ɲa ŋą. Nu kpului tii di kɛ ɲa kwɛlɛ di ɲɛ̨i heɛ mą.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Lukə 6:17

Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Ɉaan 7:41

Daɠaa diɛ kɛ diɛ: «Nwun mąąɓomun Yálá ə naakwɛlan mo ya ɓaa a ɉulɔnui ŋɛ̨i.» Kɛlaa, daɠaa di kɛi kɛ mą: «Nwun naaɓomun Yálá ə naakwɛlan mo, a pɛli kulɔi Galile lɔi hu?

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zasua 21:32

Nɛftali lonnii di wɔ lɔi hu, daaɠaa di dɛɛ dɔ̨nɔ̨ ɓaa: Kɛdɛsə, ə kɛ a mąąkilɛ taa ta, da nwɔ kpomóɠaa, yii kɛ Galile lɔi hu. Yili pulu, Hamotə-Dɔrə da nwɔ kpomóɠaa, Kartan da nwɔ kpomóɠaa, taa haaɓa.