Markə 16:14 - Yálá laawoo hɛɓɛ (dc)

¹⁴ Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Yálá laawoo hɛɓɛ

¹⁴ Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Bible

¹⁴ Gbɛɛ ŋái, Zîsɛ è kùla ŋɔpôlu-ƃelai buu kao tɔnɔ ŋɛ́i díkɛɛ kɛ̀ dílaa miî. È lono dîa, kpɛ́ni fêi, dífe láa ní kɛ̀ a m̀aa mɛni. Díwolii è kɛ̀ a gbɔ̂lɔɔ. Díai ǹyaa Zîsɛ kàa m̀u-siɣe yêei pôlu ma dí m̀ó dîai dífe díwoo siɣe ní a tɔ̃yâ.

Markə 16:14 Kruisverwysings

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Maafîu 11:20

Taa yiiɠaai Jesus ə tɛɛ ɉu, yɛ kpalo mɛ̨nį kpɛa-kpɛaɠaa kɛ, ə kɛi kɛa haŋą diɛ. Mąąhɔlɔɓo, daaɠaa tii hu nuą di hvo di túwɔ́ pələ mąą hvalin ni.

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Maafîu 28:17

Yii kɛa di Jesus kaa, gəlee di kwɛli hvilɛn mą. Kɛlaa, daɠaa di kɛi ɲinɛ̨-ɲinɛ̨n.

Markə 7:18

Ə mo diɛ yɛ diɛ: «Akɛti, ka hva pɛli mɛ̨nį kpaɠala kaai? Ka hvo gɔlɔn kaa hɛn ɲii nu a nɔ na hva gɔhɔɓo!

Lukə 24:11

Kɛlaa, Jesus nwɔ kɛlaɠaa tii di kɛi nɛ̨ą tii woo kaa yɛ ɓowo woo, di hvo kpɛli laa di woo la.

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Ɉaan 20:25

Galan nɛa yiiɠaai tii di di woo hukulɔ mą diɛ mą: «Kwaa Ną́mu kaa.» Kɛlaa, ə di woo pulu pənə yɛ diɛ: «Akɛ ŋą́ wala ɲéé lɔ bɛlɛi bala kpɔlɔɔn ɉu, vá laa na.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Ɉaan 21:1

Yili pulu, Jesus ə gbɔwɔ lɛ nwɔ̨nɔ̨ nwɔ kalan nɛai diɛ Tiberiadə gboloyá kwɛlɛ. Bələi ə gbɔwɔ lɛ la bələ ka.

Ɉaan 21:14

Ə həɠə Jesus nwun ŋąą ɓa haaɓɛlaa lɔwai, gɛɛ gbɔwɔ lɛi nwɔ kalan nɛa diɛ ɉaaɓa nąą ka ti, yɛ gbɔwɔ lɛ nwɔ kalan nɛai diɛ.

Gɛlaɠaa 1:3

Ɉaa pulu, a kulɔ haaɓɛlaa lɔwai, ə gbɔɔ lɛ nwɔ kɛlaɠaa diɛ a pələ huwu tamąą, hvóló pow nąąn ɲee mu, ə gɛ, di nwun mɛ̨nį kaa a tɛ̨ą, yɛ di kalan a Yálá ŋą tɔɔlaa mąą mɛ̨nį.

Korɛntə dɔlɔɔ 15:5

Yili pulu, ə gbɔwɔ lɛ Sefasə ɓa, yili pulu, gɛla pow kɔ́w hveelɛi.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!