Markə 13:7 - Yálá laawoo hɛɓɛ (dc)

⁷ Ɓɛlɔwai ka káá pai kɛi kɔ́ mɛ̨i wooɠaa mɛ̨n ɉi la yii a kɛ kwɛala da yii a kɛ a nɛɠɛɛ kaa, ka hvo ɲɔ̨w. Mąąhɔlɔɓo, hvo kɛli mɛ̨nįɠaa tii da gbɛa kɛ. Kɛlaa, yili hva nii kɛ a yɛnɛ̨ɛ̨ ŋąąkpɛɛi lɔwai.

Yálá laawoo hɛɓɛ

⁷ Ɓɛlɔwai ka káá pai kɛi kɔ́ mɛ̨i wooɠaa mɛ̨n ɉi la yii a kɛ kwɛala da yii a kɛ a nɛɠɛɛ kaa, ka hvo ɲɔ̨w. Mąąhɔlɔɓo, hvo kɛli mɛ̨nįɠaa tii da gbɛa kɛ. Kɛlaa, yili hva nii kɛ a yɛnɛ̨ɛ̨ ŋąąkpɛɛi lɔwai.

Bible

⁷ Ka kɔ́ mɛni mɛ̀ni da kɔ́-ŋa tuŋ, káfe kɛ̀ wúlee. Fɛ̂ɛ nyíŋí a kɛ̀, kɛ́lɛ, ŋ̀éniɛi gbɛɛ ŋái fé nîi seri ní.

Markə 13:7 Kruisverwysings

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Mąątɛ̨nɛ̨ 112:7

Hva ɲɔw diɛ-diɛ woo ɲɔ̨nwɔ̨ɔ̨ ɓa, niilaai gwəi, gilitɔɔ Ya-Laa ma,

Mąątɛ̨nɛ̨ 27:3

Ə mą kpɛli kɛ kɔlaɠa pɛlɛ tɔwɔ, níí hva kulɔ mą́ą́! Ə mą kɛ daa kɔ́ yili mąą, gílitɔɔi kaa mą.

Hanwon 3:25

Gulɔ la mɛ̨nį hva ə́ mąą ɲɔw. Hvá ɲɔw nwąnąlɔ nuą di wɔ nwąnąlɔ ɓa.

Azaya 8:12

«Mɛ̨nii lɔpee nu huwui ŋɛ̨i a kɛ mą: ɲaba lɔ mɛ̨nį, ka hvo kɛ mą ɲaba lɔ mɛ̨nį, mɛ̨nįi da ɲɔw mą, ka hvo ɲɔw yili ɓa, hvo ɲinɛ̨n ɲinɛ̨n doo ka hu.»

Ɉeremi 51:46

Və́ bɔ ka hvii hvo kpɛɛ, ə lɛɛ, mɛ̨nįɠaai di kaa moi nɔi, hvo ka mąą ɲɔw, hvo gaai, kwɛlan ɲii, mɛ̨nį yii a kulɔ; kwɛlan da kpɛli, mɛ̨nį takpɛli, wea mɛ̨nį a kɛ nɔi, tɔɔmun yɛ mɛlan dɔɔmun gbɛ.

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Maafîu 2:3

Ɓɛlɔwai tɔɔmun Herodə ə nwoo tii mɛ̨n na, ɉu ə pu mą kpɔ kɛnɛ̨, ə mą kɛ Ɉerusalɛmə nuą kəlee.

Markə 13:6

Nu tamąą kaa pai pai ɲą́ą́ náá hu, diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́.› Di ka pai nu tamąą ɓowoi.

Markə 13:8

Hį́i lɔiɠaa kaa pai kɛi di muhəɠəi di kee ni laa ɓa. Tɔɔ ɓɛlaa diɛ di muhəɠə di kee ni laa ɓa. Lɔi kaa pai kɛi kpɛlin ɉi kɛɛnąą tamąą ɓa, pulu kpɛa-kpɛaɠaa diɛ too. Kɛlaa, yiliɠaai kəlee kaa lɔ pai kɛi yɛ kwəinwąną kɔ́wɔ tɔɔ.

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.