Markə 12:3 - Yálá laawoo hɛɓɛ (dc)

³ Kɛlaa, di nui tii hon, di gɛlɛ, di gbe ə pənə a ɲee hvowolo.

Yálá laawoo hɛɓɛ

³ Kɛlaa, di nui tii hon, di gɛlɛ, di gbe ə pənə a ɲee hvowolo.

Bible

³ Kɛ́lɛ, dí zòŋ dí ǹokwa dí dɛɛ pôlu a ǹyée fólo.

Markə 12:3 Kruisverwysings

Tɔɔɓɛlaa dɔlɔɔ 18:13

Akɛ tii, mɛ̨nį ta ŋą́ gɛ, di hvo ta ɉukulɔ li námu ɓa, ɓɛlɔwai Ɉezabɛlə ə kɛi Yai-Laa kwəi mɛ̨nį hukulɔ nuą paa la, ŋą́ Yai-Laa kwəi mɛ̨nį hukulɔ nuą nu nwun dɔ̨nɔ̨ loo kwɛni wolo hveelɛ hu a nu pow lɔɔli lɔɔli, gɛ́ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 22:27

Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Markə 12:2

Viɲə ɓai lɔwai, ɉulɔnui tii ə nwɔ tímun dɔ̨nɔ̨ tɛɛ góló kɛ́ nuą pɔɔli, ə gɛ, yii aa hɔlɔɓo di nwɛi tɛɛ.

Markə 12:4

Ɉulɔnu tii ə pənə nwɔ̨nɔ̨ ə nwɔ tímun dɔ̨nɔ̨ tɛɛ. Góló kɛ́ nuą di yili kɛlɛ nwun ma di nalan.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Tɛsalonikə dɔlɔɔ 2:15

a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,