Markə 10:47 - Yálá laawoo hɛɓɛ (dc)

⁴⁷ Ɓɛlɔwai ə mɛ̨n na, diɛ kɛ mą: Jesus Nazarɛtə mun ka tii tɛɛi, ə kɛi tómą kpɔ kɛnɛ̨, yɛ kɛ mą: «Davidə lon Jesus, gɛ́ ə́ ɲɛ̨́i mąąwɛli kaa!»

Yálá laawoo hɛɓɛ

⁴⁷ Ɓɛlɔwai ə mɛ̨n na, diɛ kɛ mą: Jesus Nazarɛtə mun ka tii tɛɛi, ə kɛi tómą kpɔ kɛnɛ̨, yɛ kɛ mą: «Davidə lon Jesus, gɛ́ ə́ ɲɛ̨́i mąąwɛli kaa!»

Bible

⁴⁷ Gɛ́ɛ a m̀ɛni a gɛ́ɛ è kɛ̀ a Nâzarɛ Zisɛi, è pɛ̀lɛ láɣiɛɛ ma, ǹyɛɛi, “Deeƃé Ǹóŋ Zîsɛ, ḿalôŋ káa!”

Markə 10:47 Kruisverwysings

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 12:23

Nu kpului tii kəlee kwəi ə pili diɛ, diɛ kɛ diɛ: «Akɛti, Davidə huwu ta hvəi mɔ̨ɔ̨?»

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Maafîu 20:30

Ɲɛ̨i pu nuą hveelɛ di kɛ heeni bələ kwɛlɛ, yii kɛa di Jesus paa mąą woo mɛ̨n yɛ tɛɛ, di nu hveelɛi di tómą kpɔ kɛnɛ̨ diɛ mą: «Davidə Lon Ną́mu ku ŋɛ̨i mąąwɛli kaa!»

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 26:71

Yili pulu, gɛɛ həɠəi nąą gwəli, nɛ̨ɛ̨nu takpɛli ə gaa, yɛ nuą diɛ: «Nui ŋɛ̨i ə kɛ Jesus Nazarɛtə mun bɔ.»

Maafîu 9:27

Jesus həɠɛɛ laa yɛ li, ɲɛ̨ipu nuą hveelɛ di hvilɛn bulu, diɛ tómą, diɛ kɛ mą: «Davidə Lon, ku ɲɛ̨i mąą wɛli kaa, ə́ ku ɲɛ̨i hvoloon.»

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Lukə 4:16

Jesus ə li Nazarɛtə daai ɓɛi ə nokolo laa kɛ laa. Hvįįtɔɔ yələ ta ə lɔ di wɔ Yálá hvɛli pɛlɛ́ mu, di Yálá laawoo hɛɓɛ́ həɠə di dɛɛ bɔ, ə muhəɠə ə tɔɔ, ɉɛɓɛ́ ɓo mɛ̨nį ɓa.

Ɉaan 1:46

Natanaɛlə yɛ mą: «Mɛ̨nį lɛlɛɛ ta a pɛli kulɔi Nazarɛtə daai?» Filipə ə nwoo pulu pənə yɛ mą: «Pa lɔ ə kaa pai gaai.»

Ɉaan 19:19

Pilatə ə hɛɓɛ́ ta pɛ̨ɛ̨ di gbanwo Jesus nwun mɛ̨i. Ɉɛɓɛ́i tii pɛ̨ɛ̨i kɛ diɛ kɛ mą: «Jesus Nazarɛtə mun Ɉuifəɠaa di wɔ tɔɔmun.»

Ɉaan 7:41

Daɠaa diɛ kɛ diɛ: «Nwun mąąɓomun Yálá ə naakwɛlan mo ya ɓaa a ɉulɔnui ŋɛ̨i.» Kɛlaa, daɠaa di kɛi kɛ mą: «Nwun naaɓomun Yálá ə naakwɛlan mo, a pɛli kulɔi Galile lɔi hu?

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»