Markə 1:27 - Yálá laawoo hɛɓɛ (dc)

²⁷ Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Yálá laawoo hɛɓɛ

²⁷ Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Bible

²⁷ M̀ɛnii ŋí è ǹûai kélee pɛ́lɛ pù díkɛ díkîe-ní marê kɛ̀, dîyɛɛi, “Lé ƃe ŋí? Sɛŋ lɛ́ɛ nína ká ŋí! A lôno ǹyînaŋ nyɔ́mɔɔ-ŋai pɔ́ a ŋɔwála-wala-laai é gɛ́ dí ŋ̀óo mɛni.”

Markə 1:27 Kruisverwysings

Maafîu 15:31

Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Maafîu 8:9

Hvó gaai, ɲą́ą́ gbɛli, gáá nuą yeemu, əlɛɛ, holahiɠaa di ɓo ɲéému. Ŋą́ kɛ da ɓa: ‹'Li!›, a li. Ŋą́ kɛ dakpɛli ɓa: ‹'Pa!›, a pa. Ŋą́ kɛ nwɔ́ luwɔi ɓa: ‹'Yii kɛ!›, a gɛ.»

Maafîu 9:33

Jesus ə ɲį́nɛ̨n tii kpɛ. Ɉulɔnui tii yɛ kɛa hvaa. Nu kpului tii kəlee kwəi ə pili diɛ, diɛ kɛ: «Ee! Ku hvo ta yii mąą mɛ̨nį ɲɔ̨nwɔ̨mą da kaa li, Israɛlə lɔi hu.»

Markə 1:26

Ɲinɛ̨n ə ɉulɔnu tii too nɔi ɓa, ə gɔnwɔ kpɔ kɛnɛ̨.

Markə 1:28

Ɲąąɓa, Jesus mąątin ə too Galile lɔi hu nąą kəlee.

Markə 10:24

Nwoo tii ə galan nɛai kwəi pili diɛ. Kɛlaa, Jesus ə pənə ə mo diɛ, yɛ diɛ: «Nónni, gɛ laa walai nu ə lɔ Yálá-taa tɔɔlaa hu.

Markə 10:32

Jesus da nwɔ kalan nɛai di kɛɛ kɛa bələ pɔ, diɛ tɛ Ɉerusalɛmə daai, ə kɛ hvilɛn ni di tɔwɔ. Di kɛi ɲɔ̨w kpɔ kɛnɛ̨, ə mą kɛ nuą tii kɛ di pulu diɛ kpɛli di kɛi ɲɔ̨w. Jesus ə pənə nwɔ̨nɔ̨ ə nwɔ kalan nɛa puow kɔ́w hveelɛ təli, mɛ̨nįɠaai kɛi pa həli mą, ə yiliɠaai hukulɔ diɛ.

Markə 16:5

Di həliɛ kɛa gámą la, di gámą hu kaa, hulɔnu da yɛ ɓo heeni gámą hu ɓa-mįi-yee hu pələ, həɠə kwəlɛɛ yɛ ɓo gwaną. Nɛ̨ąą tii di ɲɔ̨w kpɔ a mɔlɔɔ.

Markə 16:6

Ɉulɔnu tii ə mo diɛ, yɛ diɛ: «Ka hvo ɲɔ̨w. Jesus Nazarɛtə mun ŋɛ̨i di gbanwo kolɔwa ɓa, ya ɓə ka ka gwɛli, hvo kɛa ɓɛ, aa nwun aa kulɔ haaɓɛlaa lɔwai. Ka pa, ɓɛi ə kɛ laa, ka nąą kaa.

Markə 7:37

Nuą tii di kwəi ə pili diɛ ə tɛɛ gɛi ɓa. Diɛ kɛ diɛ: «Gɛ mɛ̨nįɠaa kəlee lɛlɛɛi hvo gaai, gaa wəli wolo nuą wəli hvólóon ɉi, yɛ muųgbɛɠaa laa hvaa.»

Lukə 4:36

Nuą tii kɛ laa di kəlee di kwəi ə pili diɛ, di ɲɔw, diɛ kɛ di kee ɓa: «Akɛti, woo huwu lə kɛɛɠaa ɓə ŋɛ̨i gaa moi? Ɉulɔnui ŋɛ̨i a haŋą ɲį́nɛ̨nŋaa diɛ, a nwɔ huwalawala, yɛ a kɛ a di nwun nąmu, ə lɛɛ, diɛ həɠə nuą pulu.»

Lukə 9:1

Jesus ə nwɔ kalan nɛa pow kɔ́w hveelɛ ŋąąkpɔn, ə mąą laa tɛɛ di pɔ da huwalawala, diɛ ɲį́nɛ̨nŋąa kpɛ la nuą pulu, diɛ ɲɔ̨n gbɛɛ nuą diɛ.

Gɛlaɠaa 17:19

Di Polə hon də li la nɔi ɲąąwooɓo nuą liila diɛ mą: «Galan nįnɛ̨i ŋɛ̨i ə́ kaa gɛi, yá pɛli ɉukulaa lɛi kuɔ, ku gaai?