Maafîu 5:7 - Yálá laawoo hɛɓɛ (dc)

⁷ Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Yálá laawoo hɛɓɛ

⁷ Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Bible

⁷ Lûwa káa diai dîa maloŋ-kaa káa díyêei, kpɛ́ni fêi, da pâi maloŋ-kaa sɔlɔ ƃôi.

Maafîu 5:7 Kruisverwysings

Samia Veerɛi 17:28

di pa a nu laa hɛnŋaa, kwɛlɛ həɠəɠaa, gəgənŋaa, da mɔ̨nun vunwɔ̨, kpai pola, tɔwɔ pɛlɛɛ,

Samia Veerɛi 22:26

Nui a kulɔ nwoo ɓa, yá kulɔ ə́ woo ɓa mąą nu ɓa. Nui gwəi kwɛlɛɛ, yá ə́ kwəi kwələ ma.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 18:25

Ya ɓə gɛ, Yai-Laa yɛ və́la kulɔ, yɛ bələi nwɔ́ tələnmolaa kaa la; yɛ bələi ɲéé mąąhəɠɛɛ kɛ la ɲɛ̨i ɓa.

Mąątɛ̨nɛ̨ 37:26

Yələ kəlee, tələnmomun a nu mąąwɛli kaa, yɛ kwələ tɔɔ; lúwɔ́ kaa gwəi lonnii diɛ.

Hanwon 11:17

Nɛ̨ɛ̨nui yii aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą ma, hva too nwɔ hɛlɛn ŋą.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Hanwon 14:21

Nui a tɛɠɛ ɓo mɛlan gaalon ɉu, nɛ̨ŋɛ̨n ni. Kɛlaa, nui a yeehvowolo nuą mąąwɛlikaa, lúwɔ́ lon ni.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Osia 2:1

Israɛlə lonnii kaa pai tamąi yɛ gboloyá kwɛlɛ ɲɛ̨ą kɔ́w, di hva pɛli gɔwɔn ɉii, di hva pɛli nonon ɉii, ɛlɛɛ, ɓɛi di kɛi kɛ laa diɛ nwɔ́ nu huwu hvaa kaa, di kaa pai kɛi laa diɛ, Yálá húlúmąą lonnii.

Osia 2:23

Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Markə 11:25

Ɓɛlɔwai ka káá Yálá hvɛli la mɛ̨nį ta hu, akɛ mɛ̨nį ta kaa ka nu ta ka lɔwai, gbɛa mąą nu mąąhvaalɛɛ. Ya ɓə a gɛ ka Nąn yii gaa yələi ə kaa kpɛli ka mąąhvaalɛɛ ka kɛ nɛ̨ŋɛ̨nŋąą diɛ.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Lomaŋ 11:30

Ká wɔlɔ kulɔ Yálá woo mu; yiihu kɛa, diɛ kpɛlimąn di wɔɔ kulɔ nwoo mu laa aa gɛ, Yálá aa ká ɲɛ̨imąąwɛli kaa.

Korɛntə dɔlɔɔ 7:25

Yii hvilɛn na mąąɲąŋąąɠaa diɛ, gu Nąmu hvo dí li a mɛ̨nį ta, kɛlaa, nwɔ́ giliŋąhiɛ ka ŋɛ̨i gáá nɛi, yɛ nui gu Ną́mu nwɔ ɲɛ̨imąąwɛli kaa háálai, nuą da di kilitɔɔ mą, nwoo.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Ifisiɛŋ 4:32

'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Timote dɔlɔɔ 1:16

Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Piɛrə dɔlɔɔ 2:10

a káái tɔlɔɔ ká hvo kɛ kɛli kɛ a nwɔ nu huwu, kɛlaa yiihu kɛa, káá kɛ a Yálá nwɔ nu huwu; káái ká wɔɔ nąą hvo tɔlɔɔ kɛ ɲɛ̨imąąwɛli kaa hu, kɛlaa yiihu kɛa, aa ká ɲɛ̨imąąwɛli kaa.