Maafîu 3:2 - Yálá laawoo hɛɓɛ (dc)

² Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Yálá laawoo hɛɓɛ

² Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Bible

² “Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

Maafîu 3:2 Kruisverwysings

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Zôo 39:12

Ə́ kaa pai ə́ nii laa mɛ̨i ə́ wɔ hɔlɔɓo hɛn mɛ̨nį hu? Yɛ́ ə́ wɔ kɔ̨nɔ̨n gələi laa hvaa.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Maafîu 10:7

Ka kɛ bələ ɓa, ka Yálá-taa tɔɔlaa mąąkpuɔ mąą wɛlɛɛ laa həli.

Maafîu 11:20

Taa yiiɠaai Jesus ə tɛɛ ɉu, yɛ kpalo mɛ̨nį kpɛa-kpɛaɠaa kɛ, ə kɛi kɛa haŋą diɛ. Mąąhɔlɔɓo, daaɠaa tii hu nuą di hvo di túwɔ́ pələ mąą hvalin ni.

Maafîu 12:41

Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 13:24

Jesus ə hanwon da kpɛli hɔɔ nwɔ̨nɔ̨ diɛ yɛ hvilɛn na Yálá-taa tɔɔlaa mąą mɛ̨nį ɓa. Ə mo diɛ, yɛ diɛ: «Yálá-taa tɔɔlaa kaa yɛ pələi hulɔnu ta ə hihɛn ɉuwu lɛlɛɛ pili la ɲəi ɲɛa.

Maafîu 13:31

Jesus ə hanwon da kpɛli hɔɔ diɛ yɛ diɛ: «Yálá-taa tɔɔlaa kɛ pələ ka yɛ: nɔw kɔ́w ta, hulɔnu ta ə ɉin ɲəi ɲɛa.

Maafîu 13:33

Jesus ə hanwon dɔ̨nɔ̨ hɔɔ nwɔnɔ̨ diɛ yɛ diɛ: «Yálá-taa tɔɔlaa kaa yɛ lɛɠɛ tɛ hɛn yii nɛ̨ɛ̨nu ə bu nwɔ lɛɠɛ kpɔlɔ tea tɔ̨nɔ̨ hu. Ə tɛ ə dea laa hvɛɛ.»

Maafîu 13:47

«Yálá-taa tɔɔlaa kɛ pələ kaa yɛ, diŋɛ̨n yii nąmu a bili gboloyá hu. Ə hɔ̨nwɔ̨lee huwu tamąą hon.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 18:23

Yili ɓə gaa mą, Yálá-taa tɔɔlaa kɛ pələ kaa yɛ, tɔɔmun da, yii ə kɛ bɔ ə nwɔ hɛn gɔw kəlee həɠə nwɔ tínuą yəi, ə nono

Maafîu 20:1

«Yálá-taa tɔɔlaa kaa yɛ; hulɔnu ta yii kólo ə kɛ ɲei. Ə kulɔ yələ wala pɔ yɛ kólo kɛ nuąa kwɛli, ə gɛ, ə di tɛɛ ɲei ɉihɛn ɲɛa.

Maafîu 22:2

«Yálá-taa tɔɔlaa kɛ pələ kaa yɛ, tɔɔmun da yii ə non ɉulɔnu nwɔ húlu lɔ kɔ̨nɔ̨n gɛ pələ pɛli.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Maafîu 25:14

Jesus yɛ diɛ: «Yálá-taa tɔɔlaa kaa lɔ nwɔ̨nɔ̨ pai kɛi yɛ, hulɔnu ta yii kɛi li hiɛ ɓa. Ə nwɔ tínuą haaɓai təli ə gɛ yiliɠaai di di ɲɛ̨i kɛ ɲəi hɛn gɔwɠaa diɛ.

Maafîu 4:17

Ə həɠə kɛa nąąlɔwai ɓa, Jesus ə kɛi nuą kalan yɛ kɛ diɛ: «'Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin; Yálá-taa tɔɔlaa mąą a kpuwɔ!»

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 5:10

Nwun na nɛ̨ɛ̨ nuą ɓaa nuąi da di ɓɛlɛkpɛɛ diɛ tələnmolaa mąą mɛ̨nį ɓa. Mąąhɔlɔɓo, Yálá-taa tɔɔlaa kaa a di wɔ!

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Markə 1:15

«Yálá nwɔ lɔwai ə vaaɓo aa həli, mąąhɔlɔɓo, Yálá-taa tɔɔlaa mąą aa kpuwɔ; ka kpəla mɛ̨nį ɲɔ̨n ma, ka tinɛ̨n, ka ka túwɔ́ pələ mąąhvalin, əlɛɛ, ka ka yee hee nwɛlɛɛ lɛlɛɛ mu.»

Markə 1:4

Ɉaan ə li nɔi pun ɉu yɛ nuą mąąwaa, yɛ di kalan, yɛ kɛ diɛ: «Ka kpəla mɛ̨nį ɲɔ̨n mą, ka tinɛ̨n, ka ka túwɔ́ pələ mąąhvalin, di ka mąąwaa, ə gɛ, Yálá ə ka mąąhvaalɛɛ.»

Markə 6:12

Galan nɛa liɛ kɛa, di kɛi kɛ nuą diɛ: «Ka tinɛ̨n ka ka túwɔ́ pɛlɛ ɲɔ̨nŋąą mąąhvalin.»

Lukə 1:16

Ya ɓə pai gɛi Israɛlə nu huwu tamąą di tinɛ̨n di di ɲɛ̨i hee di nąmu Yálá ɓa.

Lukə 11:20

A tɛ̨ą leelee Yálá nwɔ huwalawala ɓə ŋą kɛ ɲį́nɛ̨nŋąa kpɛi la. Yili mukulaa ɓaa a: Yálá-taa tɔɔlaa aa pa kɛa aa həli kaa.

Lukə 13:3

Gáá moi kaa, kaa kpɛli, ka wala ka hɔn mąą hvalin, ka haa kpɔlɔɔ yɛ bələi tii di háálai.

Lukə 13:5

Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 15:7

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a ɉɔn mąąhvalin, kwəinɛ̨ɛ̨ kɛnɛ̨ a kɛ Yálá-taa, nui tii mąą mɛ̨nį ɓa, ə tɛɛ telmo nuą pow mɛ̨inąąn kɔ́w mɛ̨inąąn ɓa, diɛi di hɔn mąąhvalin mɛ̨nį niihɛlɛn və diɛ.»

Lukə 16:30

«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›

Lukə 21:31

Pələ lɔ ɓə gaa la, ka mɛ̨nįɠaa tii kaa yɛ kɛ, a kɛ tii Yálá-taa tɔɔlaai pai lɔwai kaa lɛɠɛi.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lukə 6:20

Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Lukə 9:2

Yili pulu, yɛ diɛ: ka li, ka Yálá-taa tɔɔlaa mąą wɛlɛɛ lɛlɛɛ laa həli, ka ɲɔ̨n gɛ nuą kɔ́lɔi pono.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.

M̀ɛni-lɛɛi 2:21

Ŋą́ą́ kuu tɛɛ bɔ, əgɛ, ə duwɔ pələ mąąhvalin, kɛlaa, hvo bɔ hvo ɲee kulɔ mąąliɓi yíi tii hu.

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.