Maafîu 28:7 - Yálá laawoo hɛɓɛ (dc)

⁷ Ka pənə, kaamun ka li ka mo nwɔ kalan nɛai diɛ, kaa diɛ: ‹Aa nwu, aa kulɔ haaɓɛlaa lɔwai. Gaa lii ka mąąkpɔn ɉii Galile lɔi hu nąą ɓə ka káá li gaai laa.› Yili lɔ ɓə ŋą kɛi pa moi kaa.»

Yálá laawoo hɛɓɛ

⁷ Ka pənə, kaamun ka li ka mo nwɔ kalan nɛai diɛ, kaa diɛ: ‹Aa nwu, aa kulɔ haaɓɛlaa lɔwai. Gaa lii ka mąąkpɔn ɉii Galile lɔi hu nąą ɓə ka káá li gaai laa.› Yili lɔ ɓə ŋą kɛi pa moi kaa.»

Bible

⁷ Ka lí a maa félaa ká m̀ó ŋɔpôlu-ƃelai dîa a gɛɛ aâ mu siɣe saa yêei. A liî Galalii kátuɛ. Nàa ƃe ka pâi gáâi naa. Ǹyaŋ ŋa nâa m̀ó kâa.”

Maafîu 28:7 Kruisverwysings

Maafîu 26:32

Jesus yɛ nwɔ̨nɔ̨ diɛ: «Ŋą́ pa múhəɠəi ŋį́ kulɔ haaɓɛlaa lɔwai, gáá pai lii ka tɔwɔ Galile lɔi hu, ŋą ka mąąkpɔn naa.»

Maafîu 28:10

Jesus yɛ diɛ: «Ka hvo ɲɔ̨w. Ka li ka mo Ną́n nonnii diɛ də li Galile lɔi hu nąą ɓə di kaa pai gáái laa.»

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»

Korɛntə dɔlɔɔ 15:4

Di noo, voló haaɓa yələ, ə nwun yɛ bələi bɛ̨ɛ̨ la.

Ɉaan 14:29

Ŋą́ą́ mɛ̨nįɠaa tii kəlee lɛɛ tɔwɔ ŋą́ą́ mo kaa, ə gɛ, ɲələ a ɉəli, ka laa ná.

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Markə 16:13

Di pənə di pa di ɉukulɔ di ɓɛlaa diɛ, di hvo nwɔ̨nɔ̨ laa di la.

Markə 16:10

Ə li ə nwoo hukulɔ mɛlaa diɛ, diɛi ŋɛ̨i da diɛni di kɛi Jesus haa wɔlɔ ɓoi.

Markə 14:28

Kɛlaa, ɓɛlɔwai gáá pai múhəɠəi la ŋą kulɔ gámąi, ŋą li Galile lɔi hu ka tɔwɔ, ŋį́ ka mąą kpɔn.»

Maafîu 24:25

Ka ka wəli tɔɔ a nəlɛɛ, ŋą́ą́ mɛ̨nįɠaai ŋɛ̨i ɓo kaa nąąlɔwai tɔwɔ.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Korɛntə dɔlɔɔ 15:6

Yili pulu, ə gbɔwɔ lɛ nąn nonnii nwun nɔɔli ɓa a gii, mɔlɔɓɛlaa kaa ni yɛnɛ̨ɛ̨, ɛlɛɛ, daɠaa daa haa.

Maafîu 28:8

Nɛ̨ąą tii, di di pulu pənə kpɔlɔɔ tii a mąą hulaa diɛ li, di kwəinɛ̨ɛ̨ kpɔ kɛnɛ̨, kɛlaa ɲɔ̨w yɛ ɓo di hu, di gilɛ həɠə də li di nwəlɛɛ tii ɓoi, Jesus nwɔ kalan nɛai diɛ.