Maafîu 22:11 - Yálá laawoo hɛɓɛ (dc)

¹¹ «Tɔɔmun ə lɔ yɛ nuąɠaa kaa, ə nu tɔ̨nɔ̨ kaa di lɔwai yii ɉɛli həɠə ta hvo kɛ gwąną.

Yálá laawoo hɛɓɛ

¹¹ «Tɔɔmun ə lɔ yɛ nuąɠaa kaa, ə nu tɔ̨nɔ̨ kaa di lɔwai yii ɉɛli həɠə ta hvo kɛ gwąną.

Bible

¹¹ “Kɛ́lɛ, tãi gâloŋ è lɔ̀ la a gɛɛ é ŋɔ̃yâ-ŋai káai, è nalôŋ tɔnɔ kàa nyii ǹɛnî-kula-kuui su-seɣe da fé kɛ́ ní mai.

Maafîu 22:11 Kruisverwysings

Tɔɔɓɛlaa veelɛ 10:22

Nui kɛ ɉəɠəɠaa nwun na, Ɉehu ə mo mą, ə ɉəɠəɠaa ŋąąkwɛlɛ Baalə nwɔ tínuą diɛ.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Woolaa 5:22

Akɛtii, ku pili kpɔlɔɔ ɓə tii Ə́ moi? Ku túwɔ́ pələ aa ə́ liiholi aa tɛɛ gɛi ɓa? Hvo ku pili kpɔ tɛ̨ɛ̨tɛ̨ɛ̨; pələ laa ɓo kani ku tɔwɔ!

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Maafîu 13:30

Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Maafîu 22:10

«Diɓo kɛ nuą di hɛgɛ də li gwəliɠaa lɔwai, nuą lɔpee di kɛi di kaa, nu lɛlɛɛ ma ə mą kɛ nu ɲɔ̨nwɔ, di kɛi di təli tɔɔmun nwɔ hɛli hu. Gəlee di pa di bɛlɛ́ laa hvɛɛ.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 5:3

Ŋį́ mo kɛ, ku kaa kɛa kɛ mui, ku hvo li kɛ a ku kpuwulu.

Galatə 3:27

Gəlee ə mą kɛ, káái kpɔ daa ká mąąwaa Kristə hu, káá Kristə too ká kwɛną.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

M̀ɛni-lɛɛi 16:15

'Ə́ ɲɛ̨i hee tai, gáá pai yɛ nwuɔ̨mun. Nwun na nɛ̨ɛ̨mun maa, nui a lɛɛ a ɲɛ̨i, ɛlɛɛ, ə nwɔɔ həɠəi laa hɔnmo, əgɛ, hvo pa nəi lɛɛ a gbuwulu, nwumɛ̨ yɛ tɛ la.

M̀ɛni-lɛɛi 19:8

daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.