Lukə 1:76 - Yálá laawoo hɛɓɛ (dc)

⁷⁶ Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Yálá laawoo hɛɓɛ

⁷⁶ Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Bible

⁷⁶ Kɛ́lɛ, ya máŋ, lôloŋ, da pâi ítolîi a Ǹúui Gɛ́tɛi ŋɔlóno-kɛ-nuu, kpɛ́ni fêi, ya pâi liî Kúnuu-namui ŋɛi tuɛ, í ŋɔpere-ŋai kpɛtɛ,

Lukə 1:76 Kruisverwysings

Mąątɛ̨nɛ̨ 87:5

Kɛlaa, yii ɓaa Siɔn nwɛi, di kaa pai kɛi mą: «Nąą ɓə di nu kəlee kaa laa, ɛlɛɛ, Hɛn Gəlee Mɛ̨i mun mə nwulu hvilɛn kpilin!»

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Maafîu 14:5

Herodə ə kɛ bɔ ə Ɉaan paa, kɛlaa ə kɛi ɲɔ̨w Ɉuifəɠaa diɛ. Mąąhɔlɔɓo, nu kəlee di kɛi Ɉaan kaa yɛ Yálá kwəi mɛ̨nį hukulɔ mun.

Maafîu 21:26

Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Maafîu 3:3

Ɉaan-Batistə tii ɓə, Yálá kwəi mɛ̨nį hukulɔ mun Esai ə kɛi mąą mɛ̨nį ɓo, yɛ kɛ mą: «Woo ta kaa tɔɔi nɔi pun ɉu, yɛ kɛ diɛ: ‹Ka Ną́mu nwɔ pələi pɛli, ka bələ pəlɛɛɠaa kəlee haŋą.›»

Markə 11:32

Kɛlaa yaan, gwa kɛ mą: ‹Nuą ɓə›, hvo kɛli gu ɲɔ̨w nuą diɛ.» Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Lukə 1:32

Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Ɉaan 1:23

Ə mo diɛ, yɛ diɛ: «Nui ŋɛ̨i nwoo kaa tɔɔi nɔi pun ɉu, ya ɓaa ɲą́ą́. Yaa ŋɛ̨i kɛi diɛ: ‹Ka Ną́mu nwɔ pələi haŋą a nɛlɛɛ!› Yɛ bələi tii Yálá kwəi mɛ̨nį hukulɔ mun Esai ə mo la.»

Ɉaan 1:27

gaa búlú yɛ pa, ɲą́ą́ ŋɛ̨i mą́ą́ hvo nɛ̨ɛ̨li kpɛli a nwɔ kɔ́lɔi ɲɛli hvólóonmun.»

Ɉaan 3:28

Kaa kpinįi ka káá a nwɔ́ kɛlaɠaa, ŋą kɛ kaa: ‹Və́ ɓaa a Nwun mąąɓomun Yálá ə naakwɛlanmo, kɛlaa yaamun, di dɔ́ɔ́ yaa tii dɔwɔ.›

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»