Lukə 1:17 - Yálá laawoo hɛɓɛ (dc)

¹⁷ Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Yálá laawoo hɛɓɛ

¹⁷ Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Nįį ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Bible

¹⁷ A pâi liî ŋ̀ɛi tuɛ Ilaza ŋɔmɔ̂leŋ da ŋɔwala-wala-laai su a gɛɛ e ǹâŋ-ŋai líi pene dílônii pɔ-pere, e ŋ̀oli-kpɔlɔ-ƃelai líi pene zɔŋ-lɛlɛ-ƃelai dítarei su, a gɛɛ e ǹûai kɛ́ a díkpɛtɛɛ Kúnuu-namui mɛni ma.”

Lukə 1:17 Kruisverwysings

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa veelɛ 1:16

Eli yɛ tɔɔmun mą: «Yai-Laa woo ka, yɛ diɛ: Gɛ mɛ̨nį ə́ nuą tɔɔ diɛ li Ɛkrɔn nuą di wɔ hali Baalə-Zebubə mąąnin gɛi, yɛ Yálá a wala kɛ Israɛlə nuą yəi, yili ɓa, gbin tii ə́ laai ŋą, hvó pai həɠəi laa, nąą ɓə ə́ kaa haai laa.»

Kɔlɔnikɔ Maa-ŋuŋ 29:18

Yai-Laa, Abrahamə, da Isaakə, da Israɛlə, ku káláni di wɔ Yálá, 'Ə́ ɲɛ̨́i kɛ Yɛ́ nuąi di wɔ kiliŋąhiɛi tii ɓa a yələ kəlee. Ɛlɛɛ Ə́ di kili tínɛ̨n Ə́ pɔ pələ, a nwala walaa.

Kɔlɔnikɔ Veerɛi 29:36

Mɛ̨nįi ŋɛ̨i Yai-Laa ə nɔi lonnii diɛ, yili ə Ezekiasə da nɔi lonnii di kwəinɛ̨ɛ̨. Mąąhɔlɔɓo, mɛ̨nįi tii ə kulɔ nu kəlee tɛɠii.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Azaya 29:24

Nuąi lan bələ mɛ̨i, di kaa pai kili hɔlɔɓoi, yiiɠaai di nwun nwala walaa, diɛ kɛa hvaa mą diɛ mɛ̨nį lɛ diɛ.

Amɔsə 4:12

Ną́mu Yai-Laa yɛ nwɔ̨nɔ̨ diɛ: Yili ɓə gaa mą, Israɛlə lɔi hu nuą, bələi gáá pai ka hon ɉii la, kaa kpinįi ka káá pai gbaɠala kaa. Yɛ bələi gáá pai mɛ̨nį laai la kaa, ka kili yɛ ɓo ɉu, 'ka ka kpɔwɔ pɛli, ka ka wɔ Yálái ka káá pai kwiɛn ɉii.

Maafîu 11:14

Gáá tɛ̨ą ɓoi kaa, akɛ ka káá bɔ ka ŋąą kaa a nɛlɛɛ; di kɛ kaa: Eli kaa pai! Mąą Eli ɓaa Ɉaan.

Maafîu 14:4

Mąąhɔlɔɓo, Ɉaan ə kɛ Herodə ɓa: «Mąą hvo nɛ̨ɛ̨li nu hvo ə ləɠə nɛ̨ą həɠə a ə nɛ̨ą!»

Maafîu 3:3

Ɉaan-Batistə tii ɓə, Yálá kwəi mɛ̨nį hukulɔ mun Esai ə kɛi mąą mɛ̨nį ɓo, yɛ kɛ mą: «Woo ta kaa tɔɔi nɔi pun ɉu, yɛ kɛ diɛ: ‹Ka Ną́mu nwɔ pələi pɛli, ka bələ pəlɛɛɠaa kəlee haŋą.›»

Maafîu 3:4

Ɉaan mąą həɠə ə kɛ a ɲɔ̨nwɔ̨mɛ̨ɛ̨ ləɠa, ɉəą yiliɛ a huwɔ kɔ́lɔ, gɔ̨nɔ̨n yɛ ɓo a peelə da kwɛin nwulɔ.

Lukə 1:16

Ya ɓə pai gɛi Israɛlə nu huwu tamąą di tinɛ̨n di di ɲɛ̨i hee di nąmu Yálá ɓa.

Lukə 1:76

Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Ɉaan 1:13

Yiliɠaai di hvo kɛ li a Yálá lonni, yɛ pələi nu nwɔ kiliŋąhiɛ kaa la, a wala kɛ tii, yɛ pələi nu a lon ɉɔlɔɓo la. Kɛlaa, Yálá ɓə yɛnɛ̨ɛ̨ kɛ pələ nįnɛ̨ tɛɛ di pɔ.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 3:28

Kaa kpinįi ka káá a nwɔ́ kɛlaɠaa, ŋą kɛ kaa: ‹Və́ ɓaa a Nwun mąąɓomun Yálá ə naakwɛlanmo, kɛlaa yaamun, di dɔ́ɔ́ yaa tii dɔwɔ.›

Gɛlaɠaa 10:33

Ɲąąɓa ŋį́ nuą tɔɔ diɛ pa ə́ təlii, ya ka tii, ə́ gɛ a nɛlɛɛ ə́ pa. Yiihu kɛa, ku kəlee kuɔ ka ə́ liila, yii kpɔ gu Ną́mu ə mo yɛ́, ku wəli tɔɔi, mo kuɔ.»

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Timote veelɛ 2:21

Nui a ɲee kulɔ mąąliɓi mɛ̨nįɠaa hu, da pɛli di gɛ a di yee huɓo hɛnɲąŋą walawala, mąąhəɠɛɛ, gu Nąmu yɛ ɲee huɓo ɉu, bɛliɛ mɛ̨nį lɛlɛɛ kəlee mąą mɛ̨nį ɓa.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

Samuɛlə dɔlɔɔ 7:5

Samuɛlə yɛ diɛ: «Israɛlə nuą, ka kəlee ka ká ŋąąkpɔn Mispa daai, ŋą́ ka mąąnɛ̨ɛ̨ maa hvə Yai-Laa ɓa.»