Lukə 1:15 - Yálá laawoo hɛɓɛ (dc)

¹⁵ Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Yálá laawoo hɛɓɛ

¹⁵ Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Nįį-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Bible

¹⁵ kpɛ́ni fêi, a pâi kɛ̂i a núu kɛ́tɛ Kúnuu-namui ŋɛi, ve pâi ŋwã̂ai, kpaa máŋ kpele-sɛŋ kpanaŋ kélee da kpelêi, à kɛ̀ ti, a pâi kɛ̂i a ǹáa fɛ́ɛ a M̀ɔlêŋ Maa Waai, é kúla zɔlɔ-ƃo-tãi ma.

Lukə 1:15 Kruisverwysings

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 48:19

Kɛlaa, nąn ə lənə mą, yɛ mą: «Nón, gíli ka ɉu. Yaa kpɛli mąn gaa pai kɛi a huwu nwun gulɔi. Kɛlaa, ə mą kɛ tii, nəɠə kaa pai kɛnɛ̨i ə tɛɛ mą.»

Kɔlɔnikɔ Maa-ŋuŋ 17:8

Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨i yɛ yɛnɛ̨ɛ̨ nu kpɛa-kpɛaa di wɛi.

Kɔlɔnikɔ Maa-ŋuŋ 29:12

Hɛngɔw da mąąwiɛ da həɠə Ə́ pɔ, Ə́ ɓo heeni hɛn gəlee mɛ̨i. Heeɓolaa da huwalawalalaa, di kaa Ə́ yəi ŋą, mąąlaa kaa Ə́ yəi, Yɛ́ hɛn gəlee muhəɠə, Yɛ́ di huwalawala.

Mąątɛ̨nɛ̨ 22:9

«Ə gilitɔɔ Yai-Laa ɓa! Yili ə ɓalo kan! Ə ɓalo kani wɛ! Hvo gaai yɛ aa nwɛlilakɛ!»

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Ɉeremi 35:6

Diɛ mą́ą́: «Ku hva lɔɔ kpələ, ku kalaɓɔlɔ Yonadavə, Rekavə lon ə tɔ́n naa ku mɛ̨i, yɛ kuɔ, 'ká hvo lɔɔ kpələ a yələ lɔpee ta, kaa mąn, ə mą kɛ, ka lonnii mąn.

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Zakari 9:15

Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Lukə 1:14

Nokoloi tii hɔlɔɓo mɛ̨nį kaa pai ə́ kwəinɛ̨ɛ̨i, ə lɛɛ, ə nu tamąą kwəinɛ̨ɛ̨.

Lukə 7:28

Jesus yɛ diɛ: «Gáá moi kaa: Ɉaan-Batistə kaa a nu kɛnɛ̨, dɛɛ nu kəlee ɓa. Kɛlaa, nui gaa a lokolo Yálá-taa tɔɔlaa hu, gɛnɛ̨i dɛɛ Ɉaan-Batistə ɓa.»

Lukə 7:33

Yaan, Ɉaan-Batistə pai ə mo, hvo ka wɔ kɔ̨nɔ̨n ta mį́į́, hvo lɔɔ kpələ, kɛlaa, ka mo kaa diɛ: ‹Ɲinɛn gaa bulu!›

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zasua 4:14

Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.