Lonon mo 23:5 - Yálá laawoo hɛɓɛ (dc)

⁵ Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Yálá laawoo hɛɓɛ

⁵ Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Bible

⁵ Nya ƃe Yâwɛɛ è ŋ̀óo tɛ̀ɛ a Bâlaŋ ǹyɛɛ mai, “Lí pôlu í ŋ̀óo-ŋai ŋí ƃó Bâla ma.”

Lonon mo 23:5 Kruisverwysings

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Hanwon 16:1

Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Lonon mo 22:20

Yálá ə pa Balaamə pɔ kpinįi yɛ mą: «Akɛ ə́ təli mɛ̨nį ɓə nuą ŋɛ̨i di paa lai, ə́ muhəɠə ka diɛni ka li. Kɛlaa, mɛ̨nįi gáá pai moi yɛ́, ya ɓə ə́ kaa pai gɛi.»

Lonon mo 22:35

Kɛlaa, Yai-Laa nwɔ malakai yɛ mą: «Ka nuąi ŋɛ̨i ka li. Kɛlaa, nwooi lɔ gáá pai moi yɛ́, ya ɓə ə́ kaa pai moi.» Balaamə da Balakə nwɔ kalanɉonŋąąi diɛ kɛa li.

Lonon mo 23:16

Yai-Laa ə pa Balaamə pɔ, ə woo ta lɔ na, ə gɛ yili ə li ə mo Balakə ɓa.

Lonon mo 23:4

Yálá ə pa Balaamə pɔ, Balaamə yɛ mą: «Ŋą́ą́ mo daa haláá kulɔi mɛ̨ihveelɛ pɛli, daa nįŋɛ̨ hilɛ tɛi tɛi da ɓɛlaa hilɛ tɛi tɛi kulɔ a haláá, dɛi tɛi mɛ̨i.»

Lonon mo 23:6

Balaamə ə pənə ə li Balakə pɔ, ə gaa tɔɔni nwɔ halááɠaai kwɛlɛ, da Moabə kalanɉonŋąą kəlee.

Lukə 12:12

Mąąhɔlɔɓo, yii mąąnɛ̨ɛ̨ ka mo nąąlɔwai tii hu, Kili-Mąąhəɠɛɛ ɓə a nɛ kaa.»

Ɉaan 11:51

(Yaan, Kaifə hvo kɛi nwoo tii ɓo gbɔwɔ ɓa, mąą kwɛlan tii, yɛ pələi ya ɓə kɛ la a haláá laa həli nuą kpɛa-kpɛa nwun nąmu, ə mɛ̨nį ɓoɔ gɛi lɔwai tɔwɔ woo ɓo, yɛ kɛ diɛ: Jesus mąąnɛ̨ɛ̨i kɛ ə haa Ɉuifə lɔi mąą mɛ̨nį ɓa.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.