Lonon mo 13:2 - Yálá laawoo hɛɓɛ (dc)

² «Nuą tɔɔ, di li di Kanaan lɔi ŋɛ̨i gáá pai dɛɛi Israɛlə lonnii pɔ, di ɉu kaa, nu huwu pow kɔ́w hveelɛi tii, nu kəlee ə nu tɛitɛi kulɔ a di huwuɠaa laa. Diɛ ɓo a ɲɛ̨itɔwɔ nuą.»

Yálá laawoo hɛɓɛ

² «Nuą tɔɔ, di li di Kanaan lɔi ŋɛ̨i gáá pai dɛɛi Israɛlə lonnii pɔ, di ɉu kaa, nu huwu pow kɔ́w hveelɛi tii, nu kəlee ə nu tɛitɛi kulɔ a di huwuɠaa laa. Diɛ ɓo a ɲɛ̨itɔwɔ nuą.»

Bible

² “Nûa tɛɛ a gɛɛ dí lí dí Keena lɔii su káa nyii ŋa dɛ̀ɛ Eezuɛ-ŋai pɔ́i. Núu túɛ-nuu tɔnɔ kula ǹúu-suu tɛi-tɛi kélee su í dítɛɛ.”

Lonon mo 13:2 Kruisverwysings

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Lonon mo 1:4

Nu tɛitɛi həɠə nu huwu kəlee lɔwai diɛ ɓo a pɛlɛ́ nąmįną di hvilɛn ka pɔ.

Lonon mo 11:16

Yai-Laa yɛ Moisə ɓa: «Israɛlə kalanɉon pow mɛ̨ihveelɛ ɲąąkpɔn, diɛi kpɔ ə́ di kɔ́lɔn a nu pɔlɔ pɔlɔɠaa, diɛ pɛli nuą lɔwai mɛ̨nį ɓoi. Ka diɛni ka pa gee kaa kələ laaləi.

Lonon mo 13:16

Nuąi Moisə ə di tɔɔ nɔi hu kaai, di laa ka tii. Moisə ə Nun lon Hosea laa hee a Ɉosue.

Lonon mo 13:3

Moisə ə lɛɛ Paran nɔi pun ɉu, ə di tɔɔ yɛ bələi Yai-Laa ə dí la. Nuą tii kəlee di kɛ a ɲɛ̨itɔwɔ nuą Israɛlə lonnii lɔwai.

Lonon mo 32:8

Mɛ̨nįi lɔ ka nąnni di gɛ ɓɛlɔwai ŋį́ kɛ la Kadɛsə-Barnea, gɛ́ di tɛɛ nɔi hu kaai, da lɔ ka ŋɛ̨i ka laa ɓa.

Lonon mo 34:18

Ə́ kaa pai nu tɔ̨nɔ̨ həɠəi huwu tɛitɛi hu, ə́ bɛlɛ diɛ, nɔi ɲąąkwɛlɛ mɛ̨nį hu.

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Dutɛrɔnome 9:23

Ɛlɛɛ gu kɛɛ Kadɛsə-Barnea, ɓɛlɔwai Yai-Laa ə ka tɔɔ la yɛ kɛ kaa: «Ka li, nɔi gáá dɛɛi ka pɔ, ka hee ɉu», ka ka pulu tɔɔ mą, ka hvo ka wəli tɔɔ nwoo ɓa.

Zasua 3:12

Ka nu pow kɔ́w hveelɛ həɠə Israɛlə nuą lɔwai, Israɛlə lonnii tɛi tɛi kəlee nwɔ nu tɔ̨nɔ̨.