Lomaŋ 8:6 - Yálá laawoo hɛɓɛ (dc)

⁶ Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Yálá laawoo hɛɓɛ

⁶ Nu liiɓa kɛɛ a haa tɛɛ nu pɔ, kɛlaa, Nįį-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Bible

⁶ Ǹyaŋ núu kíli puɔɔ gbîŋ-tua-perei ma káa a saa, kɛ́lɛ, núu kíli puɔɔ M̀ɔlêŋ ma káa a fulu-laa da lii-sêe.

Lomaŋ 8:6 Kruisverwysings

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Lomaŋ 7:11

Mąąhɔlɔɓo, nɛ̨ŋɛ̨n aa tɛɛ tɔn ŋą liɛwoo hu, aa ɲą́ą́hɛn, yili pɔ pələ, haa aa həli mą́ą́.

Lomaŋ 7:5

Ɓɛlɔwai gu kɛ la kɔ́lɔ yee kɔnmą, dɔ́n gala túwɔ́ɠaa lɔ ɓə gu kɛli mo; gu ɓá yɛ kɛ a haa nwɔɔ.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Lomaŋ 8:27

Ɛlɛɛ, nui nu kwəi mɛ̨nį kɔ́lɔn, mɛ̨nįi Kili-Mąąhəɠɛɛ kaa bɔ, ə gɔlɔn. Mɛ̨nįi Kili-Mąąhəɠɛɛ a ɉu hvɛli, nu mąąhəɠɛɛɠaa mąą mɛ̨nį ɓa, ya ɓə Yálá kaa bɔ.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.