Lomaŋ 8:5 - Yálá laawoo hɛɓɛ (dc)

⁵ Yili ɓa: Nuąi di kaa di wɔ yɛnɛ̨ɛ̨ kɛi a nu kili, nu liiɓa mɛ̨nį ɓə niihɛlɛn gaa diɛ. Kɛlaa, nuąi di kaa yɛnɛ̨ɛ̨ kɛi Yálá ŋą Kilii yeekɔn ma, Yálá liiɓa mɛ̨nį ɓə da di liihɛlɛn na.

Yálá laawoo hɛɓɛ

⁵ Yili ɓa: Nuąi di kaa di wɔ yɛnɛ̨ɛ̨ kɛi a nu kili, nu liiɓa mɛ̨nį ɓə niihɛlɛn gaa diɛ. Kɛlaa, nuąi di kaa yɛnɛ̨ɛ̨ kɛi Yálá ŋą Nįį yeekɔn ma, Yálá liiɓa mɛ̨nį ɓə da di liihɛlɛn na.

Bible

⁵ Kpɛ́ni fêi, diai da sîa a díkpîŋ-tua-perei da díkili pù díkpîŋ-tua-perei su-sãâi dîa, kɛ́lɛ, diai da sîa a M̀ɔlêŋ ŋɔperei da díkili pu M̀ɔlêŋ ŋɔsãâi dîa.

Lomaŋ 8:5 Kruisverwysings

Markə 8:33

Jesus ə tinɛ̨n, ə bulu hvə Piɛrə ɓa, ə haŋą mą; yɛ mą: «'Həɠə búlú ɓilihi. Mąąhɔlɔɓo, ə́ wɔ kiliŋąhiɛ hvo yɛ Yálá nwɔ kiliŋąhiɛ, kɛlaa, nu kiliŋąhiɛ ɓə gaa yɛ́.»

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 15:48

Bələi lɔ Adama ə kɛ la, bələ lɔ ɓə Adama lonnii di kɛ la, bələi Yálá-taa mun gaa la, bələ lɔ ɓə, Yálá-taa nuą di kaa la.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə veelɛ 10:3

Bələi mąn ku ka la a nu kanŋaai, kɛlaa ku wɔ kɔ́i ku kaa gɔ́i, ku hvo gɔ́i a nu kili.

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.