Lomaŋ 1:16 - Yálá laawoo hɛɓɛ (dc)

¹⁶ Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Yálá laawoo hɛɓɛ

¹⁶ Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Bible

¹⁶ Ńâai a Duŋ Lɛ́lɛɛi maa mɛni, kpɛ́ni fêi, gáa a Ɣâla ŋɔwála-walai ƃalo-laa mɛni ma diai kélee da lâa lai dímɛni ma. M̀aa-ŋuŋ, gáa Zûu-nuu da Gurii-nuu mɛni ma.

Lomaŋ 1:16 Kruisverwysings

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Ɉeremi 23:29

Nwóó kaa yɛ nwɔ̨n, gaa yɛ madalan, a kwɛni wolo, Ɲą́ą́ Yai-Laa nwóó li!»

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Lomaŋ 10:17

Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Lomaŋ 15:29

Gíli kaa ɉu gɛ́, ŋą́ kɛli pa ka pɔɔli, Kristə nwɔ lúwɔ́ a lɛɛ ɲə́i kɛnɛ̨, ŋą́ paa la.

Lomaŋ 2:9

Laa nɔ̨nwɔ̨ da mɔ̨nɔ̨ di kaa pai pui mɛ̨nį ɲɔ̨n gɛ nuą mɛ̨i, ə gɔwɔ tɔɔ Ɉuifəɠaa diɛ, yili pulu, nuąi di hvo a Ɉuifəɠaa.

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Korɛntə dɔlɔɔ 15:2

ɛlɛɛ, yai ɉaalai ɓə ka káá pai ɓaloi la, akɛ ka ká yee kanąn mą, yɛ bələi ŋį́ naa həli la kaa; ka wala yili kɛ tii, ká wɔɔ laa na laa a lɛɛ a kpɛli.

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Korɛntə dɔlɔɔ 9:12

Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Korɛntə dɔlɔɔ 9:18

Və́la ɓaa kan a lə? Və́la ɓaa, nwɛlɛɛ lɛlɛɛi gáá naa həli, ŋį́ gɛ a mɛ̨inɛ̨ɛ̨, ə mą kɛ yii mąąnɛ̨ɛ̨ kɛ ŋą́ ɉɔlɔɓo nwɛlɛɛ lɛlɛɛ laa həliɛ hu, və́ Ɉɔlɔɓo li.

Korɛntə veelɛ 2:12

Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Timote dɔlɔɔ 1:11

Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Piɛrə dɔlɔɔ 4:16

Kɛlaa, aa kɛli mɔ̨nɔ̨ mįi, mąąhɔlɔɓo, gaa a kristalon, hvo nwumɛ̨, yaamun, ə Yálá mąmąɓo. Mąąhɔlɔɓo, naa tii kaa mą.