Levetekɔ 9:3 - Yálá laawoo hɛɓɛ (dc)

³ Yili pulu, ə́ nwooɠaai ŋɛ̨i ɓo Israɛlə lonnii diɛ, yɛ́ diɛ: Ka ɓolu hilɛ həɠə nɛ̨ŋɛ̨n ɉaláá kulɔ mɛ̨nį ɓa; ka kwɛlan dɔ̨nɔ̨ ɓɛlaa lon da kwɛlan dɔ̨nɔ̨ nįŋɛ̨ lon di həɠə, kpɛɠii hvo kɛ di ta lɔpee ɓa, haláá yii da gəlee kələn mąą mɛ̨nį ɓa.

Yálá laawoo hɛɓɛ

³ Yili pulu, ə́ nwooɠaai ŋɛ̨i ɓo Israɛlə lonnii diɛ, yɛ́ diɛ: Ka ɓolu hilɛ həɠə nɛ̨ŋɛ̨n ɉaláá kulɔ mɛ̨nį ɓa; ka kwɛlan dɔ̨nɔ̨ ɓɛlaa lon da kwɛlan dɔ̨nɔ̨ nįŋɛ̨ lon di həɠə, kpɛɠii hvo kɛ di ta lɔpee ɓa, haláá yii da gəlee kələn mąą mɛ̨nį ɓa.

Bible

³ M̀ó Eezuɛ-ŋai dîa dí ƃoli-sîrɛ siɣe zɔnyɔ̂ŋ salai kula mɛni ma, dí kóraŋ tɔnɔ niŋa loŋ da kóraŋ tɔnɔ ƃála loŋ nyii-ŋai pɔ́ɔ fé diai siɣe géreŋ salai kula mɛni ma,

Levetekɔ 9:3 Kruisverwysings

Zɛnɛse 37:31

Nəɠəni di ɓolu hilɛ ta hon, di nwun dee, di Ɉosɛfə nwɔ həɠəi lɔ ɲąmą hu.

Ɛsdrasə 10:19

di di kwɛla diɛ di kaa di yee kulɔi di wɔ nwɛ̨ą nɛ̨ąąi hu, di ɓɛlaa hilɛ kulɔ a haláá di wɔ nɛ̨ŋɛ̨nŋąą mąą hvaalɛɛ mɛ̨nį ɓa.

Ɛsdrasə 6:17

Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Levetekɔ 10:16

Molu hilɛi tii di gulɔ a nɛ̨ŋɛ̨n mąąhvaalɛɛ haláá, Moisə ə kɛɛ mąąningɛ; ə gaa daa kɛ gələn, ə niiholi Eleazarə da Itamarə di pɔ, diɛi kɛ a Aarɔn lonnii hveelɛi lɛɛ. Yɛ diɛ:

Levetekɔ 12:6

«Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Levetekɔ 14:10

«Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 16:5

Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Levetekɔ 23:12

Voló tɔ̨nɔ̨i tii yee mu, mąąnɛ̨ɛ̨ ka haláá kulɔ Yai-Laa ɓa a kwɛlan dɔ̨nɔ̨ ɓɛlaa lon, yii kpɛɠii hva kɛ mą, a haláá hɛn da gəlee kələn,

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Levetekɔ 9:4

Ɛlɛɛ, nįŋɛ̨ hilɛ da ɓɛlaa hilɛ, liilaa haláá kulɔ mɛ̨nį ɓa Yai-Laa ɓa. Yili pulu, ə́ Yálá kɔ́ lɛɠɛ pɛli a wulɔ, mąąhɔlɔɓo, háákələi ɓə Yai-Laa kaa pai gbɔwɔ lɛi la kaa.»

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą