Levetekɔ 7:2 - Yálá laawoo hɛɓɛ (dc)

² Haláá taatɛlɛɛi da gələn, ɓɛi da nwun dee laa, nąą ɓə da nu pɔɔŋą pɛli haláá taatɛlɛɛ nwun dee laa, yili pulu, ɉaláá laa həli mun ə ɲąmą ta taɠa ɉaláá kulɔi koo ɓa nąą kəlee.

Yálá laawoo hɛɓɛ

² Haláá taatɛlɛɛi da gələn, ɓɛi da nwun dee laa, nąą ɓə da nu pɔɔŋą pɛli haláá taatɛlɛɛ nwun dee laa, yili pulu, ɉaláá laa həli mun ə ɲąmą ta taɠa ɉaláá kulɔi koo ɓa nąą kəlee.

Bible

² Ƃɛ́i da géreŋ sâla sɛŋ maa taa-tulɛi pâa naai, naa ƃé dí mɛni kpa kúlaa maa taa-tulɛi páa naa. Dí ŋãa kpɛ́mɛŋ ŋ̀âla-teƃelei ḿâ dí dínaŋ la.

Levetekɔ 7:2 Kruisverwysings

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Levetekɔ 1:11

Da nwun dee ɉaláá kulɔi ɲələi pələ Yai-Laa liíla. Yili pulu, Aarɔn lonnii a ɉaláá laa həli nuą, da ɲąmą pu ɉaláá kulɔi ɓa di dínɛ̨n di doo gee hu.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 1:5

Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Levetekɔ 14:13

A mɛlaa lon nwun dee ɓɛi da kɛ nɛ̨ŋɛ̨n ɉaláá da ɉaláái da gələn nwɔ taatɛlɛɛ nwun deei laa, gɛɛnąą mąąhəɠɛɛ ɓa. Mąąhɔlɔɓo, nu pɔɔŋą pɛli haláá kulɔ pələ kaa lɔ yɛ nɛ̨ŋɛ̨n mąą hvaalɛɛ haláá. Yili kaa a hɛn mąąhəɠɛɛ, yii a lɛɛ ɉaláá laa həli mun ɲəi.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 4:24

A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Levetekɔ 4:29

A ɲee pɛlɛ nɛ̨ŋɛ̨n mąąhvaalɛɛ haláá taatɛlɛɛi tii nwuɔ̨, di nwun dee ɓɛi haláái da gəlee kələn, nwɔ taatɛlɛɛɠaa nwun dee laa.

Levetekɔ 4:33

A ɲee pɛlɛ daatɛlɛɛ tii nwuɔ̨, di nwun dee a nɛ̨ŋɛ̨n mąąhvaalɛɛ haláá, ɓɛi tii haláá hɛn da gəlee kələn, nwun dee laa.

Levetekɔ 5:16

Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Levetekɔ 5:9

A ɲąmą ta taɠa ɉaláá kulɔ kəhi koo ɓa, ə gbəli taɠa ɉaláá kulɔ kəhi kɔ́wɔ mu. Nɛ̨ŋɛ̨n mąąhvaalɛɛ haláá ka tii.

Levetekɔ 6:7

«Bələi mąąnɛ̨ɛ̨ di Yálá kɔ́ la a hihɛn má ta, bələ ka: Aarɔn lonnii ɓə da yili laa həli Yai-Laa ɓa, ɉaláá kulɔ kəhi lííla.

Lonon mo 6:12

A pənə nwɔ̨nɔ̨ ə gbɔwɔ laakwɛlanmo Yai-Laa ɓa, yɛ bələi ə gɛ la a voló tɔlɔɔ yələi ə gbɔwɔ kwɛlɛ la Yai-Laa ɓa. A pa a kwɛlan dɔ̨nɔ̨ ɓɛlaa lon, a bɔɔŋą pɛli haláá hɛn. Voló yiiɠaa tii laa hva kɛ ɉu, mąąhɔlɔɓo, gbɔwɔ kwɛlɛi ə mo, ə mąą kala.

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!